Soohimmwa

◼ Iliivuru sinrowa okaiwa mweeri wa Abril ni Maio: Irevista A Sentinela ni Despertai! Okathi onitthikela anyu omuxukurya mutthu yoole aasiveliwe, waahela muhina ale yaarwiiye nihiku na Wuupuwelela wala muthukumano mukina wa ekristau, masi ahinrwa mithukumano sa muloko, mwiimananihe opaceriha yoosoma murumeelaka eliivuru Biibiliya Oniixuttiha Exeeni.

◼ Muthukumano wookiserya ehinatthi esumana ya konkresu pooti othokoreriwa malakiheryo ni soowuupuxerya sa konkresu. Mweeri mmosa wala miili nuumala omwiira konkresu, mwaha a sootthuneya sa mmulokoni pooti okhala wuuluula iponto suulupale seiye anamalaleerya soonale aya okhala soovareleya muteko okathi woolaleerya.

◼ Okhuma mweeri wa Maio, miloko sotheene sohaana orumeela eSaabadu yoopacerya ya khula mweeri wira siimananihe opaceriha soosoma sa Biibiliya. Myaha sini “Aprenda da palavra de Deus” sa A  Sentinela silokiheriwe wira saakhaliheryeke anamalaleerya. Epaaxina yookiserya ya khula Orumwa Ahu wa Owene, enookhalanaka myaha sa olaleerya wookhweya wa mweeri onirwa, ohela mpuwa malakiheryo a opaceriha soosoma sa Biibiliya eSaabadu yoopacerya.

◼ Tivoohakalaliha ohimya wira okhuma 1 a Julyu 2011, enookumiheriwa A Sentinela yoophitaanyiwa ya khuta mweeri nttaava na eXitshwa. Enookhalanaka myaha sa khuta esumana sa Yowiixutta ya A Sentinela vamosa ni myaha sikina sinaasivela atthu otheene. Nto mutthu oniphavela waakhela yawawe wala oniphavela okawa okathi woolaleerya, pooti opaceryaka oveka vano orumeelaka muloko.