“Nikontariki Sai Okathi Naalaleeryaka?”

Mootoko opaka nikoho nno? Malakiheryo a mwaha ola aniphwanyaneya Orummwa Ahu wa Omwene, Maio 2007, epax. 4. Ikwaha sikina annivahiwa malakiheryo makina ntoko ale aniphwanyaneya Ekaaxa ya Makoho ari Orummwa Ahu wa Omwene, Setembro 2008. Okhala wira mikhalelo sinnivirikana, khaninrowa ohimya khula etthu enireerela wira mmwaha ola. Nto, khivantthuneya axitokweene wala anna akina ovahaka malakiheryo makina.

Akhala wira annikhumelela makoho, nto khuhikhala eliivuru enilakiherya mwaha ola, khuta namalaleerya pooti wiikoha so: Kiireke wira okathi ola kinikontari aka kivirinhe kilaleeryaka tthiri? Wala kaavara etthu ekina ehinivarihana ni muteko woolaleerya? Enilepa ahu murelatooriyuni ya muteko ahu woolaleerya khula mweeri, ehaana onihakalaliha ohiya onikumiherya mulattu. (Mit. 23:1) Tthiri, eniphavela ahu khahiyo okontari okathi paahi, masi orumeela saana okathi ahu mmuteko woolaleerya.—aHéb. 6:11.