Iponto Suulupale sa Muteko Woolaleerya

Yooruma ya Yesu yoowi “mwawixuttiheke atthu”, enniiweleliwa oratteene mmuttettheni mwahu. Nto mweeri wa Marso, saahipakiwa mikwaha sootthikela oxukurya 283.883. Nave-tho saahiirihiwa soosoma sa Biibiliya 59.826. Tthiri, Yehova onnireeliha wiimananiha wahu, okhala wira atthu 887 yaahibatiziwa muhina mwa mwaakha wa muteko yoola. Nto anamalaleerya 140 yaabatiziwe mweeri wa Marso.