Soohimmwa

◼ Iliivuru sinrowa okaiwaka mweeri wa Setembro: Biibiliya Oniixuttiha Exeeni Tthiri? Mwiimananihe opaceriha soosoma sa Biibiliya mukwaha woopacerya oxukurya. Akhala wira atthu a vatthokoni aakhalana eliivuru eyo, masi khaniphavela omusoma Biibiliya, pooti ovaha erevista ya khalai wala ebroxura enimusivela mutthu owo. Outubro: Irevista A Sentinela ni Despertai! Mwamphwanya mutthu onisiveliwa ekeekhai, munvaheke etratato Munniphavela Osuwela Ekeekhai?, nto mwiimananihe opaceriha soosoma sa Biibiliya.

◼ Mwaha wa atthu otheene a vameekhaaya wa 2012, nuumala ovira Niira na Wuupuwelela Okhwa wa Yesu, onirowa wiiriwa esumana 2 ya Abril. Muru wa mwaha owo onoohimmwa muhoolo. Ohikhale muloko onrowa olavula mwaha owo nihinatthi opakiwa Niira na Wuupuwelela.

◼ Anna anrowa orumeela ntoko mapioneero ookhaliherya mweeri wa Marso 2012, animweemereriwaka othanla oveleela iwoora 30 wala 50 mweeri owo. Ohiya-vo, akhala wira mutokweene a esirkwitu onirowa oxukurya muloko anyu mweeri yoowo, otheene anirumeela ntoko mapioneero ookhaliherya, pooti aphavelaka oveleela iwoora 30 wala 50, annilattuliwa owiriyana muthukumano wotheene wa mapioneero ookilaatheya yoowo onilavuliwa ni mutokweene a esirkwitu.

◼ Okhuma mweeri wa Setembro, axitokweene a esirkwitu anrowa olavulaka mwaha wa atthu otheene oni: “Mwaataane ni Atthu Oohakalala a Muluku”.

◼ Ninniwuupuxerya alipa-anivekela iliivuru sa mmulokoni, wira ahaana okhalana ephoole wira ahivekeleke iliivuru sootepexa waatta anna ahiniwerya aya okawa. Yiira siiso anoosyaka wuukela iliivuru moohikhalela mmulokoni. Nto savekeliwa iliivuru sootepexa waatta, efiliyaali enrowa ovukula. Masi, akhala wira ahaavo mathowa makina aniiriha muloko ovekela iliivuru sinceene, xontte muhaana olepa mpapheloni wala mformulaarioni S-14 Pedido de Publicações muhimyaka mathowa aya.