Makoho a Wuuluula Exikola ya Orummwa wa Muluku

Makoho ala anittharelana a myaha sa Exikola ya Orummwa wa Muluku, anrowa othokoreriwa esumana 26 ya Dezembro, 2011.

1. Moota xeeni yoolakiherya eri muliivuruni ya Miruku 30:32, ennikhaliherya aya osyaka ompaca ole omutthekenle ahu? [w87-T 15/5 epax. 30 etti. 11]

2. Muthinto xeeni wa “opuha” ori weethiru? (Mus. 2:1) [g-T 4/06 epax. 6 itti. 1-2]

3. Nnaamwi atthu akina yuupuwelaka wira masu a Salomoni ari muliivuruni ya Musuweli 3:1-9, anittittimiherya yookupali yoowi itthu sinniiraneela niroothanleliwa ni Muluku, moota xeeni Musuweli 9:11 onooniherya awe oratteene wira khula etthu kheniiraneya mwaha wa othanleliwa ni Muluku? [w09-T 1/3 epax. 4 etti. 4]

4. Nthowa xeeni vanitthuneya ahu osyakaka okhala “axariya mootepana”? (Mus. 7:16, Tradução do Novo Mundo) [w10-T 15/10 epax. 9 itti. 8-9]

5. Moota xeeni eliivuru ya Nsipo n’Ophentana 2:7, enooniherya aya wira atthu aniphavela othelana anookhala a miruku yaahikhummwe murima vaavo animuthanla aya ole onrowa aya othelana? [w06-T 15/11 epax. 19 etti. 1; w80-T 15/10 epax. 11 etti. 7]

6. Antaphulelani masu oowi: ‘iyano sa mwali oXulami sinnimwarexa oravo’ ni ‘nlumi nawe nokhalana oravo n’ileti’? (Nsipo 4:11) [w06-T 15/11 epax. 19 etti. 6]

7. Moota xeeni miihaneliwo oowi: “Namiruku Òthamaleya”, “Muluku a Ikuru”, “Tithi a Mahiku Othene”, annooniherya aya saana mikhalelo sa Yesu ni moota sinrowa awe olamulelaka elapo esya? (Yes.9:5) [w91-T 15/4 epax. 5 etti. 7]

8. Tani olelo-va anilikanyihiwa ni ‘nloko notakhala murima’ na Isarayeli, ni tani anirowa okhala ntoko “ekopó” ya Yehova wira apwetexe nloko nno? (Yes. 10:5, 6) [ip-1-T epax. 145 itti.  4-5; epax. 153 etti. 20]

9. Nthowa xeeni eprofesia ya Yesaya enihimya wira Babilonia “khunrowa-tho okhaliwa wa mahiku othene” eryaaya yuulupale, ni moota xeeni ennilipiha aya olelo va? (Yes. 13:19, 20) [g-T 11/07 epax. 9 itti. 4-5]

10. Silini Yesu aakhenle awe “mihulelo s’empa ya Davidi”, nto moota xeeni onirumeela awe mihulelo iyo? (Yes. 22:22) [w09-T 15/1 epax. 31 etti. 2]