Soohimmwa

◼ Iliivuru sinrowa okaiwaka mweeri wa Marso: Biibiliya Oniixuttiha Exeeni Tthiri? Mwiimananihe opaceriha soosoma sa Biibiliya mmukwaha woopacerya oxukurya. Akhala wira atthu a vatthokoni aakhalana eliivuru eyo, masi khaniphavela omusoma Biibiliya, pooti ovaha erevista ya khalai wala ebroxura enimusivela mutthu owo.

◼ Wuupuwelela okhwa wa Yesu onrowa okhala Namaxexe, 5 a Abril, 2012. Akhala wira muloko anyu onnikhalana mithukumano Namaxexe, nto sihaana othaamiheriwa nihiku nikina, akhala wira khuuvo muloko mukina onirumeela eSalau eyo. Akhala wira khivaniweryaneya, masi ipantte sa muthukumano wa Orummwa sinnitthuneya mmulokoni mwanyu, pooti othokoreriwa mMuthukumano wa Orummwa onittharelana.

◼ Iviidiyu piili sini: Os Jovens Perguntam — Como Fazer Verdadeiros Amigos? ni Os Jovens Perguntam — O Que Fazer da Minha Vida?, sinrowa othokoreriwa mMuthukumano wa Orummwa wa myeeri sinirwa. Anna aniphavela iviidiyu iya pooti ovekela mowaakuveya mmulokoni mwaya.

◼ Moophavela wuncererya olaleiwa wa ihapari sooreera sa Omwene ‘watthu a malavulelo othene’ ntoko Biibiliya sinihimya awe eliivuru ya Wisupulula 14:6, efiliyaali ya oMoçambique ennaaphavela anna wala arokora oobatiziwa yaawo anilavula, nave aniwerya osoma ni olepa saana mattaava a elapo ela, masi ohiya ekunya. Nto, akhala wira munnilavula, osoma ni olepa saana nttaava na oMoçambique, xontte mwaaleele anna a Ekomisau ya Muteko a muloko anyu, wala mutokweene a esirkwitu. Awo moohipisa anoohimya ofiliyaali.