Soohimmwa

◼ Iliivuru sinrowa okaiwaka Abril ni Maio: A Sentinela (Owehaweha) ni Despertai! Mwamphwanya mutthu onisiveliwa ekeekhai, munvaheke etratato Munniphavela Osuwela Ekeekhai?, nto mwiimananihe opaceriha soosoma sa Biibiliya. Okathi onaaxukurya anyu atthu yaale yaarwiiye nihiku na Wuupuwelela, wala muthukumano mukina wa ekristau, masi ahinrwa mmithukumanoni, mwiimananihe opaceriha yoosoma murumeelaka eliivuru Biibiliya Oniixuttiha Exeeni.

◼ Muthukumano wookiserya ehinatthi esumana ya konkresu pooti othokoreriwa malakiheryo ni soowuupuxerya sa konkresu. Wamala mweeri mmosa wala miili nuuvira konkresu, epantta ya sootthuneya sa mmulokoni pooti wuuluuliwa iponto suulupale anamalaleerya yoonale aya oreerela mmuteko woolaleerya.

◼ Khuta okathi muniphavela anyu orowa elapo ekina omwiira konkresu, munoophwanya malakiheryo ari mWeb site ahu jw.org, opuro oni: “Consultas”, “Congressos”. Nave, pooti ovekela efiliyaali wira mphwanye malakiheryo ala.

◼ Ti voohakalaliha ohimya wira okhuma 1 a Julyo 2012, enookumiheriwa A Sentinela (Owehaweha) yoophitaanyiwa ya khuta mweeri nttaava na eMakhuwa. Enookhalanaka myaha sa khuta esumana sa Yowiixutta ya A Sentinela ni myaha sikina sinaasivela atthu otheene. Nto ole oniphavela waakhelaka yawawe wala oniphavela okawa okathi woolaleerya, pooti opacerya oveka vano orumeelaka muloko. Ela ekwaha ya nenli enikumiheriwa aya oMoçambique, erevista A Sentinela yoophitaanyiwa. Olumwenku wotheene ennikumiheriwa erevista yoophitaanyiwa etthu yowiiraka mattaava 37.