Iponto Suulupale sa Muteko Woolaleerya

Mweeri wa novembro 2012, anamalaleerya 50.063 yaahivahererya irelatoorio saya sa muteko woolaleerya. Ntoko mwaakha ovinre, mwaattelo wa anamalaleerya woovikana 50.000. Anna ala ahiiriha soosoma sa Biibiliya 75.835. Ela enooniherya wira khula namalaleerya aaniiriha soosoma sa Biibiliya sinivikana 1.5. Nto ninnaatumererya anna otheene wira evikanihe orumeela saana ebroxura epakiwe wira niiriheke soosoma sa Biibiliya eni: Ihapari Sooreera Sinikhuma wa Muluku!. Ebroxura ela enniphwanyaneya mattaava 13 anirumeeliwa oMoçambique.