Soohimmwa

◼ Iliivuru sinrowa okaiwaka Setembro ni outubro: Irevista Owehaweha ni Despertai!. Novembro ni dezembro: Ihapari sa Omwene N.° 38. Akhala wira muloko anyu wookawa Ihapari sa Omwene N.° 38 mittetthe sotheene ehinatthi omala ekampaanya, pooti orumeela eliivuru Biibiliya Oniixuttiha Exeeni? wala itratato siri mmulokoni. Janero ni feverero 2014: Ihapari Sooreera Sinikhuma wa Muluku! wala ibroxura iya sa ipaaxina 32 sinittharelana: A Vida—Teve um Criador? (wa ale ahinimwaamini Muluku), Ephiro ya Okumi Woohimala—Moophwanya, Munwiriyaneke Muluku, Munwiriyaneke Muluku Wira Mphwanye Ekumi Ehinimala, Munoowerya Okhala Mpatthani a Muluku, ni Waamini Wekeekhai—Esiiri Eniphwanyiha Okumi Woohakalala, (wa aMaka).

◼ Mwaha wa atthu otheene a vameekhaaya wa 2014, nuumala ovira Niira na Wuupuwelela Okhwa wa Yesu, onirowa wiiriwa esumana 21 ya Abril. Muru wa mwaha owo onoohimmwa muhoolo. Miloko seiye sinrowa oxukuriwa ni mutokweene a esirkwitu aahiiso okhalana muthukumano wa esirkwitu wala wa vameekhaaya esumana yeeyo, mwaha owo wohaana othaamiheriwa esumana enittharelana. Ohikhale muloko onrowa olavula mwaha owo ohinatthi ophiya 21 a Abril.