“Miyo Kihoorwa Owannyu-va Mwaha Woowi . . . ”

Vaavo mwaneene etthoko onihula awe mukhora ni khiyaniweha neemenle ene vate vawe, woonasa wene onniikoha so: ‘Atthu ala anikhuma woowi ni aniphavelani?’ Nto, exeeni moohipisa ekhanle ahu oohimya wira nimwiirihe okhala oomaaleleya? Nuumala omukoha ihaali, anna akina annipacerya olavula arumeelaka masu ani: “Mwaha woowi”. Mwa ntakiheryo, awo aniira so: “Hiyo nnaaxukurya atthu mwaha woowi anamunceene annixankiheya voohimya sa ekrime. Munoonela sai, niireke wira . . . ”, wala aniira so: “Miyo kihoorwa owannyu-va mwaha woowi kinnivaha soosoma sa Biibiliya moohiliviha etthu”. Vaavo nimphiya ahu vatthokoni nto moohipisa nnaahimya exeeni eniphavela ahu, waaniheryasa mwaneene etthoko onoorowa ophavela owiriyana ele enirowa ahu olavula.