Iponto Suulupale sa Muteko Woolaleerya

Ninnihakalala wooleelani wira okhuma Janero mpakha Dezembro 2013, soomalihiwa otekiwa Ipa sa Omwene isya soowiiraka 22. Vano elapo ahu ehaana Ipa sa Omwene 674 simalihiwe. Nave, anna 48 yiivaherenrye muteko wooteka, vamosa ni anna a mapuro awo yaahikhaliherya muteko ola. Eyo enooniherya wira munepa wa Yehova tonihoolela muteko ola.—Zak. 4:6b; Esal. 127:1.