Mulaleeryeke Mooluttuweliwa

Wira noopowe okathi onrowa aya omala olumwenku ola, nihaana olaleeryaka mooluttuweliwa. Nto wira nikhale atthu ooluttuweliwa mmuteko ola, vanooreera wiiwelela soowuupuxerya iya sinittharelana:

• Nvekeleke voohihiyererya voohimya sa Omwene.​—Math. 6:10.

• Mukhapeleleke murima anyu mmusomaka Biibiliya khula nihiku.​—aHéb. 3:12.

• Murumeeleke okathi anyu mwa miruku.​—aÉf. 5:15, 16; aFil. 1:10.

• Mukhalaneke niitho nooluluwanya. Muhikuxeyeke ni soophavela sa olumwenku.​—Math. 6:22, 25; 2 Tim. 4:10.

• Mukhaleke oowehaweha wira musuweleke wiiraneya wa iprofesia.​—Mar. 13:35-37.

Muteko woolaleerya nlelo khomanle. Nto nivikanihe ovara muteko ola mooluttuweliwa!​—Yoh. 4:34, 35.