Iponto Suulupale sa Muteko Woolaleerya

Ti voohakalaliha wooleelani wira mweeri wa Agosto naahikhalana mwaattelo musya wa anamalaleerya 56.682. Nummuru nlo nnooniherya wuncerereya wuulupale nalikanyiha ni mweeri mmosaru eyaakha evinre. Ohiya paahi mwaattelo ola woolipiha, naahikhalana-tho mwaattelo musya mwa ipantte sotheene sa muteko woolaleerya nave anna yaahivaha iliivuru sowaatta. Ninnaatumererya otheene wira avikaniheke ovahererya irelatoorio saya wanikisa wa khula mweeri. Nto nivikanihe olompa empa yomunepani nisarihaka ni itthu sootthuneyexa mpakha Yehova ohimya wira muteko ola woolikana.​—Hag. 2:6, 7.