Wuuluula Exikola ya Orummwa wa Muluku

Makoho ala anittharelana a myaha sa Exikola ya Orummwa wa Muluku, anrowa othokoreriwa esumana 27 ya Abril, 2015. Nihiku na mweeri nenno nri muhina mwa ikolxeti, ninthoonyerya esumana yeeyo mwaha owo onrowa aya othokoreriwa, wira vakhweyeke otokosa vaavo mutthu oniitthokiha awe voohimya sa exikola khula esumana.

1. Ophenta xeeni Ruthi aamoonihenrye awe Nowemi, nto ninrowa omutakiha sai? (Ruth. 1:16, 17) [2 ya Mar., w12-T 1/7 epax. 26 etti. 6]

2. Exeeni yaamukhalihenrye Ruthi okhala “muthiyana òrera murima”? (Ruth. 3:11) [2 ya Mar., w12-T 1/10 epax. 23 etti. 1]

3. Moota xeeni ntakiheryo na Hanna ninnikhaliherya aya okathi ninkumana ahu mixankiho? (1 Sam. 1:16-18) [9 ya Mar., w07-T 15/3 epax. 16 itti. 4-5]

4. Okathi Samuweli aari awe mmiravo ni ‘iira awe annuwaka vamaithoni va Yehova’, exeeni yaamukhalihenrye osyaka ntakiheryo noohiloka na anamwane a Eli? (1 Sam. 2:21) [9 ya Mar., w10-T 1/10 epax. 16 itti. 2-3]

5. Nniixutta exeeni sa ntakiheryo na Sawuli na ohipaka itthu seelolo vaavo “alavilavi akina” yahaaphavela aya wira okhale mwene aya? (1 Sam. 10:22, 27) [23 ya Mar., w05-T 15/3 epax. 23 etti. 1]

6. Xeeni omwiiwelela Yehova ori aya wootepa otthuneya, ntoko sinooniherya aya ntakiheryo na Sawuli? (1 Sam. 15:22, 23) [30 ya Mar., w07-T 15/6 epax. 26 itti. 3-4]

7. Xeeni vari aya voolipiha osuwela wira Yehova ‘oniweha murima’ wa mutthu? (1 Sam. 16:7) [6 ya Abr., w10-T 1/3 epax. 23 etti. 7]

8. Moovarihana ni Miruku 1:4, itthu xeeni sirina ahu seiyo Yehova onilipelela awe wira nirumeeleke okathi ninkumana ahu mixankiho? (1 Sam. 21:12, 13) [13 ya Abr., w05-T 15/3 epax. 24 etti. 4]

9. Xeeni nikhanle ahu oohimya wira Abigayili khahiyo aavaanyiha okhulupale wa iyawe ntoko muru wa etthoko vaavo anvahale awe yoolya Davidi ni anakhotto awe? (1 Sam. 25:10, 11, 18, 19) [20 ya Abr., w09-T 1/7 epax. 20 etti. 3]

10. Abigayili aahiveka muswammaha voohimya sa etthu yahaapanke awe. Ninrowa omutakiha sai? (1 Sam. 25:24) [20 ya Abr., w02-T 1/11 epax. 5 itti. 1, 4]