MIHAKHU SINIKHUMA MBIIBILIYANI | YOBI 33-37

Mpatthani a Ekeekhai Tuule Onivaha Miruku Soolipiha

Edição Impressa

Okathi Elihu aalavunle awe, itthu saahimya awe saari soovirikana vanceene ni iye saahimmwale ni Elifazi, Bildadi ni Sofari mwa inamuna piili, ele yaahimya aya ni moota yaamulavulenle aya Yobi. Owo ahooniherya wira aari mpatthani a ekeekhai a Yobi ni namavaha miruku ooloka onireerela omutakiha.

Elihu onilavula ni Yobi nto Elifazi, Bildadi, ni Sofari anonweha paahi

MAKHALELO ANIREERELA OKHALANA NAMAVAHA MIRUKU	ELIHU AAHIVAHA NTAKIHERYO NOOLOKA
32:4-7, 11, 12; 33:1
OPIXA MURIMA OSUWELA OWIRIYANA OTTITTIMIHA	Elihu moopixa murima ahaawehererya atthu aalupale omaliha olavula owo ohinatthi opacerya. Okhala wira aaniwiriyana oratteene, owo aahiiwexexa mwaha waalavuliwa ohinatthi opacerya ovaha miruku. Owo aahirumeela nsina na Yobi ni aanimulavuliha ntoko mpatthani awe.
33:6, 7, 32
WIIYEVIHA OKHWEYA OLAVULANA OTHUNKU	Elihu aari oowiiyeviha ni ooreera murima ni aaneemererya wira owo aari mutthu oohimalela. Owo aanimoonela othunku Yobi mwaha wa maxakha yamphwannye.
33:24, 25; 35:2, 5
ANKHILI OREERA MURIMA OTTHARIHELA MIRUKU SA MULUKU	Mooreerela murima Elihu aahimuhimeerya Yobi wira moonelo aarina awe waari woohiloka. Elihu aahimukhaliherya Yobi woona wira khaareerela wiihimya mmansawe okhala naxariya. Miruku sookhalela saavanhe awe Elihu saahimukhaliherya Yobi waakhelela malakiheryo makina aavahiwe awe ni Yehova muhoolo.