“Mweetteleke Ikano sa Yehova”

Weettela ikano sa Yehova onitaphulela wiivahererya voohikhanyereriwa wira niiweleleke malakiheryo awe. Biibiliya ookhalana matakiheryo manceene a atthu yeettela ikano sa Yehova moolikana ni nasaalimo yoowo aamuroromela Muluku.

Wiiwelela ikano sa Muluku tonikumiherya ohakalala wa ekeekhai.

119:1-8

Yoxuwa ahooniherya ororomela malakiheryo a Yehova. Owo aanisuwela wira mutthu oohakalala tuule onimuroromela Yehova ni murima awe wotheene.

Nuulumo na Muluku ninniniphwanyiha olipa murima wira nivileleke mixankiho sa mweekumini.

119:33-40

Yeremiya ahooniherya olipa murima ni omuroromela Yehova okathi wa mixankiho. Owo ahikhalana ekumi yohaattiheriwa itthu ni aahikhalela nthiti ovara muteko awe.

Osuwela wahu ekeekhai ya mBiibiliyani onniniiriha okhalela nthiti olaleerya.

119:41-48

Paulo khoovelela omulaleerya nuulumo na Muluku khula mutthu amphwanya awe. Owo aaniroromela nikhaliheryo na Yehova okathi aamulaleeryale awe Guvernatoro Felisi moolipa murima.

Mapuro xeeni kikhanle aka oowooniherya olipa murima okathi onaalaleerya aka akina?

• Oxikola.

• Omutekoni.

• Mweemusini.

• Mapuro makina.