Mmutthareke Yesu Munvira Awe

Yesu oonivaha ntakiheryo wira nitthareke, vanceenexa okathi wa mixankiho wala olupatthiwa. (1 Pe 2:21-23) Nnaamwi Yesu aaruwaniwa, owo khaaruwana, hata okathi aahaaxiwa awe. (Mar 15:29-32) Exeeni yaamukhalihenrye ovilela? Owo aahikhalana yoolukama ya opaka yootthuna ya Yehova. (Yoh 6:38) Nave aniwehexexa otteeliwa murima aarowa awe ophwanya muhoolo.​—aHé 12:2.

Nnoonela sai okathi ninhasuliwa ahu mwaha wa waamini wahu? MaKristau eekeekhai khaniliva ‘yotakhala enireliwa aya ni yotakhala ekina’. (aRo 12:14, 17) Okathi nintakiha ahu enamuna Yesu aavilenle awe ninnihakalala, mwaha woowi ninnimusiveliha Muluku.​—Mat 5:10-12; 1 Pe 4:12-14.

NWEHE EVIIDIYU ENI: NSINA NA YEHOVA TI NOOTEPAXA OTTHUNEYA, NUUMALA-VO MWAAKHULEKE MAKOHO ANITTHARELANA:

• Murokora Pötzinger* aarumenle sai oratteene okathi awe vaavo aatthukweliwe awe?

• Mixankiho xeeni munna ni murokora Pötzinger yaavilenle aya okathi yaari aya mapuro yaakhanyereriwa atthu ovara miteko?

• Exeeni yaakhalihenrye ovilela?