Yehova Toororomeleya

10:13

Yehova pooti omaliha muxankiho ahu, masi ikwaha sinceene owo onninikhaliherya onivahaka “ikuru” wira nivilele moororomeleya.

• Owo onoowerya omaaliha muupuwelo ni murima ahu orumeelaka Nuulumo nawe, munepa wootteela ni eyoolya ya omunepani onikumiherya awe.​—Mat 24:45; Yoh 14:16; aRo 15:4

• Owo pooti oneettiha ni munepa awe wootteela, yoowo onrowa onuupuxeryaka sowiiraneya sa mBiibiliyani, malakiheryo ni osuwela moota woopaka soothanla sooloka.​—Yoh 14:26

• Owo pooti orumeela malaikha awe wira anikhaliherye.​—aHé 1:14

• Owo pooti waarumeela axinnihu wira anikhaliherye.​—aKol 4:11