Muttotteleke Mureerelo Yoosoma Anyu ya Omwaneene

OREERA WAYA: Okhalana yoosoma ya omwaneene, onninikhaliherya osuwela ‘munnuwelo, erakamelo ni wixerya’ wa ekeekhai. (aÉf 3:18) Nave-tho onninikhaliherya ovikaniha okhala “òrera murima ni òhittheka” olumwenku ola wootakhala, ni ovarexexa saana “molumo èkumi”. (aFi 2:15, 16) Okathi wa yoosoma ahu ya omwaneene, hiyo pooti othanla mwaha onitthuneya mookumini mwahu. Ninrowa ottottela sai mureerelo okathi ninviriha ahu nimusomaka ni omutokosa Biibiliya?

MOOTA WOOPAKA EYO:

• Mpintariki soolepa ni mulepeke moolumo anyu mBiibiliyani mwanyu oomusoma hata ori ene owimpirimiriwa wala eformato eletrônico

• Vaavo munisoma anyu Nuulumo na Muluku mwiikoheke so: Aani? Exeeni? Silini? Woowi? Nthowa xeeni? Moota xeeni?

• Mutokoseke wira mwiixutte itthu sikina. Nave murumeeleke iliivuru murina anyu wira mutokose mwaha wala yoolepa ya mBiibiliyani

• Muupuweleleke moota eyo enivareleya aya muteko mookumini mwanyu

• Mweetteleke itthu muniixutta anyu.—Luk 6:47, 48

NWEHE EVIIDIYU ENI: NVAREXEXE WAAMINI MPAKAKA YOOSOMA ANYU YA OMWANEENE YOOKHUMELA SAANA, NUUMALA-VO MWAAKHULEKE MAKOHO ALA ANITTHARELANA:

• Itthu xeeni atthu akina alavunle aya voohimya sa yoosoma ya omwaneene?

• Nihinatthi opaka yoosoma ahu, xeeni vanireerela aya opacerya ni nivekelo?

• Exeeni enrowa onikhaliherya wiiwexexa saana mwaha wa mBiibiliyani?

• Inamuna ikavi sa okhwenyenya nikhanle ahu oorumeela okathi wa yoosoma ahu ya Biibiliya?

• Okathi ninsoma ahu Nuulumo na Muluku xeeni nintthuneya ahu wuupuwelela?

• Exeeni nikhanle ahu oopaka ni itthu nniixutta ahu?