MAKHALELO A MAKRISTAU

Mweettelo Wooreera ni Woottittimiheya Onnivara Mirima

Ntakiheryo nooloka anooniherya aya athiyana ootheliwa aniixutta ekeekhai, ninnaakhaliherya axiiyaya okhala maKristau. Masi ikwaha sikina, athiyana awo pooti ovirihaka mixankiho mwa iyaakha sinceene. (1 Pe 2:21-23; 3:1, 2) Akhala wira munnithokoreriwa moohixariya, muhihiye muxinttiwaka ni sootakhala, ohiya-vo mwiireke sooreera. (aRo 12:21) Mweettelo anyu wooreera pooti omukhaliherya vanceene iyanyu, ovikana moolumo anyu.

Mmananiheke wiiwexexa moonelo wa iyanyu. (aFi 2:3, 4) Mooniheryeke oreera murima, othunku, ni mwa nttittimiho mwaakhwaniheryeke miritti sanyu sintoko muthiyana ootheliwa. Munwiriyaneke okathi onilavula awe. (Ya 1:19) Mpixeke murima, ni mmulipiheryeke omphenta wanyu. Hata iyanyu ohooreerelakani murima mwa enamuna emosaru wala woottittimihani, mukupaliki wira Yehova onnivaha efaita ororomeleya wanyu.—1 Pe 2:19, 20.

NWEHE EVIIDIYU ENI: YEHOVA ONNINIVAHA IKURU WIRA NIVILELE KHULA MUXANKIHO, NUUMALA-VO MWAAKHULEKE MAKOHO ALA ANITTHARELANA:

Okumi wa Grace Li waari sai nuumala otheliwa?
Exeeni yaamwiirinhe osiveliwa ni ikeekhai sa mBiibiliyani?
Moota xeeni murokora Li aawenrye awe ovilela mixankiho nuumala opatisiwa?
Etthu xeeni murokora Li anvekenle awe Yehova?
Mareeliho xeeni ophwannye awe mwaha wa mweettelo awe wooloka ni nttittimiho nuulupale?

Collage: ipantte sinikhumela sa nviidiyuni ‘Yehova Onninivaha Ikuru Wira Nivilele Khula Muxankiho’, sinooniherya orowa vahoolo wa Grace Li. 1 Grace inlaka mphiryo. 2 Murokora mmosa omusomihaka Biibiliya Grace Li. 3 Grace ni anaaawe ekhumaka orestauranti waya erowaka empa ya Omwene. 4 Grace ni atthu 9 a emusi awe eri ane empa ya Omwene. — Mweettelo wooreera ni nttittimiho sookhalana owerya wuulupale!