MAKHALELO A MAKRISTAU

Anamathelana Anrowa Olipiha Sai Ekasamento Aya

Abrahamu ni Sara ntakiheryo nooloka na anamathelana yaaphentana ni ottittimihana. (Map 12:11-13; 1 Pe 3:6) Hata vari siiso, awo yaari atthu oohimalela, nave yaanivilela mixankiho. Anamathelana anrowa omutakiha sai Abrahamu ni Sara?

Nvaaneleke okathi wotheene. Mwaakhuleke mooreerela murima, okathi mwaarinyu wala iyanyu onilavula awe moohikhalela. (Map 16:5, 6) Nviriheke okathi muryeene hoothe. Mphentaneke ni moolumo vamosa ni miteko. Mwa itthu sotheene, mmuheleke Yehova nipuro noopacerya mukasamentoni mwanyu, musomaka, ovekela, ni nvaraka miteko sa Muluku hoothe. (Mu 4:12) Ikasamento soolipa sinninvuwiha Yehova, yoowo Okumihenrye ekasamento.

NWEHE EVIIDIYU ENI: MOOTA WOOLIPIHA EKASAMENTO ANYU, NUUMALA-VO MWAAKHULEKE MAKOHO ALA ANITTHARELANA:

Wanipacerya wa eviidiyu, exeeni yiiraneya ni ekasamento ya Shaan ni Kiara?
Ovaanela mooreerelana murima onikhaliherya sai ekasamento?
Ntakiheryo na Abrahamu ni Sara nimukhalihenrye sai Shaan ni Kiara?
Itthu xeeni anamathelana Shaan ni Kiara apanke aya wira alipihe ekasamento aya?
Xeeni anamathelana ahinreerela aya wuupuwelaka wira ekasamento aya khenrowa okhalanaka mixankiho?

Ilatarato: Ipantte sinooniheriwa nviidiyuni ‘Moota Woolipiha Ekasamentu Anyu.’ Shaan ni Kiara annipaka mavalo wira alipihe ekasamento aya. 1. Khula mutthu okilaathale mpantta awe onmalela esofa. 2. Awo annivarana matata They are clasping each other’s hands. 3. They are happily working together in the field ministry. — Munoowerya olipiha ekasamento anyu!