Niireke Munnittottela Mureerelo Elivirinyu Ovarerya Soolempwa Khuta Nihiku?

Niireke mookhalana yoolema ya osoma yoolepa ya nihiku ni ikomentariu siri Elivirinyu Ovarerya Soolempwa Khuta Nihiku? Vakhala wira nnaari, munoonela sai opaceriha niinano? Anna anceene annithokorerya yoolepa ni ekomentaariyu ya nihiku voosiisu. Nto awo anoowerya wuupuwelela etthu yiixuntte aya nihiku notheene. (Yox 1:8; Esa 119:97) Munrowa ottottela sai mureerelo yoolepa ya khula nihiku? Musomeke ekomentaariyu ya yoolepa eyo. Opaka eyo, enimookhaliheryani wiiwexexa saana yoolepa. Nuumala-vo nvariheleke muteko etthu mwiixuntte anyu. Vakhala wira munoovarihela muteko malakiheryo ankhuma mBiibiliyani okathi munipaka anyu soothanla, mukupaliki wira munookhumela saana.—Esa 119:105.

Emusi ya oBetheli ya olumwenku wotheene ennithokoreya Yoolepa ya Nihiku voosiisu nuumala olya. Iyaakha sivinre, aapakiwa mareheryo wira myaha sinithokoreriwa voosiisu ni emusi ya oBetheli siheliweke mu JW Library, opuro oni PROGRAMAS E EVENTOS. Ekwaha xeeni yookiserya nwenhe anyu eprograma ya omulompa Muluku voosiisu? Woonasa wene nyuwo munniphavela oweha eprograma eyo. Mwa ntakiheryo, ele yaamwiiranenle Lothi enniixuttiha exeeni voohimya sa opaka soothanla?

NWEHE EVIIDIYU ENI: MUHIPHENTEKE OLUMWENKU (1 YOH 2:15), NUUMALA-VO MWAAKHULEKE MAKOHO ALA ANITTHARELANA:

• Yoolepa xeeni ya mBiibiliyani okumihiwe aya mwaha ole?

• Exeeni nniixutta ahu ni yoowiiraneya ya Lothi voohimya sa ohiphenta olumwenku ni itthu sa vathi-va?—Map 13:12; 14:12; 19:3, 12, 13, 24-26

• Ninrowa wooniherya sai wira ninnimphenta Yehova ohiya ophenta olumwenku ni itthu sa vathi-va?