Itthu Xeeni Ninrowa Ahu Wiixutta ni Anna Apacenrye Khalai Omurumeela Yehova?

Mmulokoni mwahu aakhala anna anceene apacenrye khalai omurumeela Yehova. Omuroromela waya Yehova onoowerya oniixuttiha etthu. Hiyo pooti waakoha itthu anisuwela aya voohimya sa mutthenkeso wa Yehova ni mixankiho awenrye aya ovilela akhaliheriwaka ni Yehova. Nave pooti omulattula munna mmosa okathi woomulompa Muluku vatthokoni ni onvekela wira onileele sookumanana sa mookumini mwawe.

Akhala wira munnimurumeela Yehova mwa iyaakha sinceene, mwaaleeleke anna ni arokora a muloko anyu yiixuntte ekeekhai niinano voohimya sa waamini wanyu. Yakobe ni Yosefe yaahaaleela amusi aya sookumanana saya. (Map 48:21, 22; 50:24, 25) Nave Yehova aahaaleela ahooleli a itthoko sa wIsarayeli wa khalai wira awiixuttiheke anaaya voohimya sa itthu suulupale aawiirenle awe. (Otu 4:9, 10; Esa 78:4-7) Moolikanasa olelo-va, axipaapa ni anna a mmulokoni pooti waaleela ale yiixuntte ekeekhai niinaano itthu awenhe aya Yehova opakaka orweela wa mutthenkeso awe.

NWEHE EVIIDIYU ENI: AWO YAARI OOWIIWANANA HATA OKATHI YAALUPATTHIWA AYA, NUUMALA-VO MWAAKHULEKE MAKOHO ALA ANITTHARELANA:

• Efiliyaali ya wÁustria yaakhalihenrye sai anna a ilapo sikina okathi muteko ahu waakhoottihiwe aya?

• Etthu xeeni anna a ilapo iyo yaapanke aya wira akhale oolipa mwa omunepani?

• Yaari anamalaleerya akavi oRomênia yaakhumme mmutthenkesoni mwa Yehova, nto exeeni yaawiirinhe otthikela?

• Moota xeeni sowiiraneya iya sinlipiha aya waamini wanyu?