Moise Aahitthara Saana Malakiheryo Otheene Aavahiwe Awe

Okh 39:32, 43; 40:1, 2, 16

Moise aahitthara oratteene malakiheryo otheene Yehova anvanhe awe, a moota wooteka ni weemexa eheema wala etabernaakulu. Hiyo nave nihaana owiriyana oratteene malakiheryo ninvahiwa ahu ni mutthenkeso wa Yehova ni wiiwelela moohipisa ni murima ahu wotheene. Tthiri nihaana opaka eyo hata malakiheryo awo akhalaka wira khanivareleya muteko aahiiso nihisuwelaka mathowa aya.—Luk 16:10.

Xeeni ninreerela ahu owiriyana oratteene ni otthara malakiheryo ninvahiwa ahu . . .

• okathi wa mithukumano sa muteko woolaleerya?

• okathi nniilokiherya ahu vahinatthi wira nisuwele yoopaka yakhumelela eretta mootutuxerya?

• okathi nniilokiherya ahu vahinatthi wira nisuwele yoopaka yakhumelela ehasara?