Inamuna Tthaaru Sinrowa Onikhaliherya Omuroromela Yehova

Okhaliheriwa aka ni Yehova, Davidi aahimuxintta Goliyathi. (1 Sa 17:45) Yehova onniphavela waakhaliherya arumeyi awe otheene. (2 Wa 16:9) Ninrowa wooniherya sai wira ninnimuroromela Yehova, ohiya wiiroromela mmansihu ni osuwela wahu opaka itthu? Nrowe niwehe itthu tthaaru sinrowa onikhaliherya opaka eyo:

• Nvekeleke okathi wootheene. Ohiya paahi ovekela wira muleveleliwe soottheka sanyu, nvekeleke ikuru sa Yehova wira nwerye ovilela sooweeha. (Mat 6:12, 13) Ohiya paahi ovekela wira Yehova oreelihe soothanla munipaka anyu, nvekeleke wira Yehova oovaheeni ankhili wira nweryeke opaka soothanla sooloka.—Yak 1:5

• Mukhalaneke yoolema ya omusoma Biibiliya. Mmusomeke Biibiliya khula nihiku. (Esa 1:2) Muupuweleleke matakiheryo a mBiibiliyani ni mweetteleke ele muniixutta anyu. (Yak 1:23-25) Ohiya ororomela osuwela wanyu paahi, mwiilokiheryeke muhinatthi orowa olaleerya. Mwiilokiheryeke muhinatthi orowa omuthukumanoni wira nwerye wiixutta etthu.

• Mutthareke malakiheryo mutthenkeso wa Yehova onnivaha aya. Mutthareke marukunuxo anikumiheriwa niinaano. (Mot 9:17) Mwiiweleleke miruku ni malakiheryo axitokweene anoovahayani.—aHe 13:17

NWEHE EVIIDIYU ENI: MUHOOVEKE OLUPATTHIWA, NUUMALA-VO MWAAKHULE MAKOHO ALA ANITTHARELANA:

• Exeeni anna ni arokora yoova aya, okathi yaalupatthiwa aya?

• Exeeni yaakhalihenrye oxintta woova waya?