MAKHALELO A MAKRISATAU
Niireke Munniweha Moota Yehova Onaakhula Awe Mavekelo Anyu?
Mbiibiliyani aakhala matakiheryo manceene a mavekelo Yehova aakhunle awe. Okathi arumeyi a Muluku yaaweha aya wira Yehova aniiwa ni aanaakhaliherya mixankiho saya, waamini waya waanilipa. Ti vooloka opaka mavekelo ooluluwanya ni oweha moota Yehova onaakhula awe. Nihiliyale wira Yehova pooti waakhula mwa enamuna nahaalipelela ahu ni onivaha itthu sinceene ovikana iye ninvekenle ahu. (2 aKo 12:7-9; aEef 3:20) Yehova onaakhula sai mavekelo ahu?
Yehova onnaakhula onivahaka ikuru, onikhaliherya okhala oomaaleleya ni olipiha waamini wahu wira niwerye ovilela muxankiho ahu. — aFi 4:13
Onivaha ankhili wira nipake soothanla sooloka. — Yak 1:5
Onivaha ophavela ni owerya woopaka etthu. — aFi 2:13
Onikhaliherya omaaleleya okathi ninxanka ahu. — aFi 4:6, 7
Ovahiwa itthu sinnithowa, onimaliha ni onilipiha. — 1 Yo 3:17, 18
NWEHE EVIIDIYU ENI: YEHOVA TI ‘OLE ONIWIWA ALE ANINVEKELA’, NUUMALA-VO, MWAAKHULE MAKOHO ANITTHARELANA:
Ntakiheryo na munna Shimizu ninnikhaliherya sai akhala wira khaninwerya opaka itthu sinceene mwaha woowereiwa?
Ninrowa otthara sai ntakiheryo na munna Shimizu?