15-21 YA JANEIRO
YOOBI 36-37
Nsipo 147 ni Nivekelo | Masu Oopacerya (1 min.)
1. Mukupaliki Yooleiherya ya Muluku ya Okumi Woohimala
(10 min.)
Yehova onikhala moohimala. (Yoob 36:26; Owehaweha 15 10/1 epaax. 13 itti. 4-5)
Yehova ookhalana ankhili ni owerya oniphiyerya wiira okhapelele okumi ahu. (Yoob 36:27, 28; Owehaweha 20.05 epaax. 22 etti. 6)
Yehova onniniixuttiha etthu nikhanle ahu oopaka wiira nikhalane okumi woohimala. (Yoob 36:4, 22; Yoh 17:3)
Nakhalana waamini woolipa voohimya sa yooleiherya ya okumi woohimala, ninniphwanya ikuru sinnikhaliherya ovilela mixankiho. — aHe 6:19; Owehaweha 22.10 epaax. 28 etti. 16.
2. Itthu sa Efaita sa Mbiibiliyani
(10 min.)
Yoob 36:26 — Xeeni nihinreerela ahu oxanka okathi nihiniiwexexa ahu moota Yehova opacenrye awe okhala? Mutthokiherye. (Owehaweha 22.12 epaax. 2 etti. 4)
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Yoob 36:1-21. (Wiixuttiha yoosoma 2)
4. Ovaanela Woopacerya
(3 min.) OLALEERYA MAPURO OOWAATTA ATTHU. (Waaphenta Atthu yoosoma 3 eponto 3)
5. Ohihiya Waakhaliherya
(4 min.) OLALEERYA EMPA NI EMPA. (Waaphenta Atthu yoosoma 2 eponto 5)
6. Otthokiherya Sookupali Sanyu
(5 min.) Mwaha. Perguntas Frequentes epaax. 57 itti. 5-15 — Muru: Xeeni Anamoona a Yehova Yaalupatthiwa Aya Okathi wa Manazista? (Wiixuttiha yoosoma 18)
Nsipo 49
7. Mwiilokiheryeke Ehinatthi Okhumelela Eretta Enrowa Owiirihani Wooperariwa
(15 min.) Mwaha ni makoho vakhaani. Mwaha onilavuliwa ni mutokweene.
Mutthenkeso wa Yehova onninivaha itthu sinceene, sinnikhaliherya wiiwelela nlamulo na Muluku voohimya sa ephome. (Mit 15:28, 29) Niireke munnirumeela oratteene itthu iyo?
Ekartau ya Ephome (DPA) ni Ekartau ya Identificação ya Anamwane (ic): Ikartau iyo, khula mutthu onnilepa enamuna oneemererya awe olooliwa erumeeliwaka ephome aahiiso nnaari. Anamalaleerya oopatisiwa ahirina ekartau eyo ya ephome DPA, pooti onvekela munna onikawa iliivuru a muloko aya, ohela muhina Ekartau ya Identificação ya anamwane ahirina iyaakha 18 (ic). Nihaana weettana ikartau iyo khula opuro. Akhala wiira muniphavela opreyenxeri aahiiso oturuka, muhaana opaka eyo moowaakuveya.
Informação para Grávidas (S-401) ni Informações para Pacientes que Precisam de Cirurgia ou Quimioterapia (S-407): Idukumento iya, pooti wookhaliheryani wiilokiherya ehinatthi okhumelela eretta enrowa owiirihani wooperariwa. Vaaweryaneyaka mwaavekeleke axitokweene idukumento iyo, akhala wiira munrowa wooperariwa mwaha wa oretta wa kanser aahiiso akhala wiira mwa muthiyana oorupala.
Ekomisau Enilavula ni Mameediku (CLH): Axitokweene aniirela mpantta ekomisau ya CLH, anniixuttihiwa wiira yaavaheke malakiheryo mameediku ni anamalaleerya myaha sinihela muhina ephome. Awo pooti ovaanela ni meediku anyu voohimya sa inamuna sa olooliwa ehirumeeliwaka ephome. Awo pooti omphwanya meediku onrowa ottittimiha yoothanla anyu ya olooliwa. Axitokweene awo ari oolikana ene khula ewoora aahiiso khula nihiku. Hata moonaka wiira munrowa olooliwa ehirumeeliwaka ephome, vaaweryaneyaka mwaasuweliheke anna awo a CLH. Nave nyuwo pooti waasuweliha moona wiira munrowa waapaxari, aahiiso olooliwa mwaha wa eretta ya kanser. Nave-tho muhaana opaka etthu emosa-ru vakhala wiira mwa muthiyana oorupala. Akhala wiira muniphavela okhaliheriwa ni anna awo a ekomisau ya CLH, mulavule ni axitokweene a muloko anyu.
Nwehe EVIIDIYU Ekomisau Enilavula ni Mameediku — Enrowa Wookhaliheryani Sai? Nuumala-vo, mwaakhule makoho anittharelana:
Anna a ekomisau ya CLH, anrowa wookhaliheryani sai mwaaphavelaka olooliwa aahiiso wooperariwa?
8. Yoosoma ya Biibiliya ya Muloko
(30 min.) Mwiixutte Myaha sa Biibiliya Yoosoma 13