20-26 YA MAIO
ESALIMO 40-41
Nsipo 102 ni Nivekelo | Masu Oopacerya (1 min.)
1. Xeeni Ninreerela Ahu Waakhaliheryaka Atthu Akina?
(10 min.)
Waakhaliherya atthu akina onninihakalaliha. (Esa 41:1; Owehaweha 18.08 ipaax. 19-20 itti. 16-18)
Yehova onnaakhaliherya ale aniimananiha waakhaliherya atthu akina. (Esa 41:2-4; Owehaweha 15 15/12 epaax. 24 etti. 7)
Ninninvuwiha Yehova vaavo nnaakhaliherya ahu atthu akina. (Esa 41:13; Mir 14:31; Owehaweha 17.09 epaax. 13 etti. 17)
MWIIKOHEKE SO: ‘Kiireke muloko aka ookhala mutthu onipirisari okhaliheriwa wiira omurumeeleke saana aplikativo JW Library?’
2. Itthu sa Efaita sa Mbiibiliyani
(10 min.)
Esa 40:5-10 — Nivekelo na Davidi, ninniixuttiha exeeni sa wiiwexexa ni weemererya okhulupale orina awe Yehova? (Perspicaz vol. 2 epaax. 49 etti. 7)
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Esa 40:1-17. (Wiixuttiha yoosoma 12)
4. Ovaanela Woopacerya
(3 min.) OLALEERYA MOOHIILOKIHERYA. Mpacerihe ovaanela ni mutthu onooniherya ohakalala. (Waaphenta Atthu yoosoma 2 eponto 3)
5. Ovaanela Woopacerya
(4 min.) OLALEERYA MOOHIILOKIHERYA. Mpacerihe ovaanela ni mutthu onooniherya oriipiwa murima. (Waaphenta Atthu yoosoma 3 eponto 5)
6. Waapaka Awiixutti
(5 min.) Okumi Woohimala! yoosoma 14 eponto 6. Nvaanele ni naxikola anyu a Biibiliya onoovelela okomentari omuthukumanoni murumeelaka mwaha oni: “Munvuwihe Yehova Mmuthukumanoni” ori mpantta oni: “Nwehe Itthu Sikina”. (Wiixuttiha yoosoma 19)
Nsipo 138
7. Naakhaliheryeke Anna ni Arokora Oowuuluvala
(15 min.) Mwaha ni makoho vakhaani.
Ntoko hiyo, Yehova onnivaha efaita miteko anivara aya moororomeleya anna ni arokora oowuuluvala mmulokoni. (aHe 6:10) Mwa iyaakha sinceene, awo aaniimananiha opaka itthu wiira awiixuttihe ni yaalipihe atthu ootheene a mmulokoni. Woonasa wene, munnuupuwela inamu soovirikana awo yookhalihenryayani. Munrowa wooniherya sai oxukhurela wanyu, itthu sootheene apanke aya ni anipaka aya mmulokoni?
Nwehe EVIIDIYU ‘Naakhaliheryeke Axinnihu ni Axirokorihu’. Nuumala-vo, mwaakohe alipa-oowiriyana makoho anittharelana:
Ji-Hoon iixuntte exeeni ni munna Ho-jin Kang?
Exeeni enoosivelani wa anna ni arokora a muloko anyu?
Yoowiiraneya ya Musamariya, enniixuttiha exeeni?
Xeeni vaari aya vooloka Ji-Hoon waalattula atthu akina okathi aamukhaliherya awe munna Ho-jin Kang?
Vaavo nnuupuwelela ahu itthu anipirisari aya anna ni arokora oowuuluvala mmulokoni, nnoowerya ophwanya inamuna sa waakhaliherya. Moona wiira vannireerela waakhaliherya, muhaana opaka eyo moowakuveya. — Yak 2:15, 16.
Mmusome aGalasia 6:10. Nuumala-vo, mwaakohe alipa-oowiriyana nikoho ninttharelana:
Inamuna xeeni nikhanle ahu ‘oowaakhaliherya’ anna ni arokora oowuuluvala a muloko ahu?
8. Yoosoma ya Biibiliya ya Muloko
(30 min.) Mwiixutte Myaha sa Biibiliya Yoosoma 31