15-21 YA JULHO

ESALIMO 63-65

Nsipo 108 ni Nivekelo | Masu Oopacerya (1 min.)

MIHAKHU SINIKHUMA MBIIBILIYANI

1. “Ophenta Wanyu [Woororomeleya] ti Wooreera Ovikana Ekumi”

(10 min.)

Etthu ya faita ovikana ekumi, ori omukokhorela Yehova mwa enamuna yooloka. (Esa 63:3; Sentinela 01 15/10 ipaax. 15-16 itti. 17-18)

Vaavo nnuupuwela ahu moota Yehova onnooniherya awe ophenta woororomeleya, eyo enniniiriha omuxukhurela. (Esa 63:6; Owehaweha 19.12 epaax. 28 etti. 4; Owehaweha 15 15/10 epaax. 24 etti. 7)

Oxukhurela ophenta woororomeleya wa Muluku, onniniiriha onvuwiha ni murima wootheene. (Esa 63:4, 5; Sentinela 09 15/7 epaax. 16 etti. 6)

Ifootu: Murokora mmosa omusomaka Biibiliya. 1. Moohakalala ori ene muteko woolaleerya ni murokora mukina. 2.Okomentariki omuthukumanoni.

MALAKIHERYO A MOOTA WOOMULOMPA MULUKU VATTHOKONI: Muthokorerye vamosa ni emusi anyu, inamuna soovirikana sa moota Yehova oniwooniheryaweni ophenta wawe woororomeleya.

2. Itthu sa Efaita sa Mbiibiliyani

(10 min.)

Esa 64:3 — Moota xeeni eversiikulu ela ennikhaliherya aya ohihiya olavula mwa enamuna yoolipiha? (Owehaweha 07 15/11 epaax. 15 etti. 6)

Mwaakhule va
Itthu xeeni sa efaita siphwannye anyu okathi mwaamusoma anyu Biibiliya esumana ela?

Mwaakhule va

3. Omuleeri Biibiliya

(4 min.) Esa 63:1–64:10. (Wiixuttiha yoosoma 12)

MUKHALELEKE NTHITI MUTEKO WOOLALEERYA

4. Ovaanela Woopacerya

(2 min.) OLALEERYA EMPA NI EMPA. Vakhala wiira mwaneene etthoko khonisuwela olavula nttaava nanyu. (Waaphenta Atthu yoosoma 3 eponto 4)

5. Ovaanela Woopacerya

(2 min.) OLALEERYA MOOHIILOKIHERYA. Ovaanela wanyu onimala muhinatthi omulaleerya. (Waaphenta Atthu yoosoma 2 eponto 4)

6. Ovaanela Woopacerya

(3 min.) OLALEERYA MAPURO OOWAATTA ATTHU. Muhaavye mwaha okhanle onvara murima mutthu owo, ni inamuna wiira nvaanelane okathi mukina. (Waaphenta Atthu yoosoma 1 eponto 5)

7. Otthokiherya Sookupali sanyu

(4 min.) Yoowooniherya. Makoho Animakela Okohiwa 51 — Muru: Xeeni Anamoona a Yehova anithipelela Aya Waalaleerya Atthu, Hata ahimyaka wiira “Miyo Nkiniphavela”? (Waaphenta Atthu yoosoma 4 eponto 3)

MAKHALELO A MAKRISTAU

Nsipo 154

8. Moota Nikhanle Ahu Oowooniherya Wiira Ninnimphenta Muluku

(15 min.) Mwaha ni makoho vakhaani.

Yehova Muluku “òsareya [ophenta woororomeleya]”. (Esa 86:15) Nuulumo noowi “ophenta woororomeleya” nintaphulela ophenta onikhumelela mwaha wa sooleiherya, exariya, ororomeleya ni opatthani weekeekhai. Nnaamwi Yehova owooniheryaka ophenta apinaatamu ootheene, masi “ophenta woororomeleya” onihimmwa va, ophenta oniwooniherya awe arumeyi awe, yaawo arina waataana wooloka ni yena. (Esa 33:18; 63:3; Yoh 3:16; Mit 14:17) Nnimooniherya wiira ninnixukhurela ophenta woororomeleya wa Yehova, nimphentaka yena. Moota xeeni? Niiwelelaka sooruma sawe, ohela muhina yooruma ya “waapaka awiixutti”. — Mat 28:19; 1 Yoh 5:3.

Nwehe EVIIDIYU Mooniherye Ophenta Mwaalaleeryaka. Nuumala-vo, mwaakohe alipa-oowiriyana makoho anittharelana:

Ophenta onrowa onikhaliherya sai olaleerya ihapari sooreera okathi