6-12 YA JANEIRO

MIHAKHU SINIKHUMA MBIIBILIYANI

1. Anamuyari, Muhihiye Waakhapelela Aniinyu Nvahiwe Anyu ni Yehova

(10 min.)

Anamuyari, mukupaliki wiira Yehova onimookhaliheryani okhapelela saana emusi anyu. (Esa 127:1, 2)

Anamwane yoovaha ya Yehova. (Esa 127:3; Owehaweha 08/2021 epaax. 5 etti. 9)

Mwiixuttiheke khula mwaana moovarihana ni makhalelo awe. (Esa 127:4; Owehaweha 12/2019 epaax. 27 etti. 20)

Paapa mmosa orumeelaka eliivuru “Soosoma Saka sa Biibiliya” okathi onisoma awe ni anaawe anli. Anamwane awo yuupuwelaka ari ene oparayiisu athweelaka ni etthepo vamosa ni khole muulupale. — Yehova onnihakalala vanceene okathi anamuyari animuroromela aya ni vaavo aniimananiha aya wiira yaakhapelele anaaya

2. Itthu sa Efaita sa Mbiibiliyani

(10 min.)

Esa 131:1, 2 — Iveersu iya, siniwiixuttiha exeeni anamuyari? (Owehaweha 07/2021 epaax. 22 etti. 6)

Mwaakhule va
Itthu xeeni sa efaita siphwannye anyu okathi mwaamusoma anyu Biibiliya esumana ela?

Mwaakhule va

3. Omuleeri Biibiliya

(4 min.) Esa 132:1-18 (Wiixuttiha yoosoma 2)

MUKHALELEKE NTHITI MUTEKO WOOLALEERYA

4. Ovaanela Woopacerya

(3 min.) OLALEERYA MOOHIILOKIHERYA. (Waaphenta Atthu yoosoma 1 eponto 3)

5. Ovaanela Woopacerya

(4 min.) OLALEERYA MOOHIILOKIHERYA. Mutthu owo onihimya wiira etthu enikupali awe ti yoovirikana ni ele Biibiliya oniixuttiha awe. (Waaphenta Atthu yoosoma 5 eponto 4)

6. Waapaka Awiixutti

(5 min.) Okumi Woohimala! yoosoma 16 iponto 4-5. Mulavule ni naxikola anyu a Biibiliya voohimya sa mareheryo mpanke anyu, wiira ovikaniheke osomihiwa mwaahikhale. (Waaphenta Atthu yoosoma 10 eponto 4)

MAKHALELO A MAKRISTAU

7. Anamuyari, Niireke Ntakiheryo Nanyu Ninnaakhaliherya Aniinyu?

(15 min.) Mwaha ni makoho vakhaani.

Mutthenkeso wa Yehova, wookumiherya ikaruma sinceene wiira saakhaliheryeke anamuyari owiixuttiha anaaya voohimya sa Yehova. Hata vari siiso, ekaruma ya faita yuulupale anamuyari akhanle aya oorumeela, nri ntakiheryo naya nooloka. — Otu 6:5-9.

Yesu aahirumeela ntakiheryo nawe nooloka wiira owiixuttihe awiixutti awe.

Mmusome Yohani 13:13-15. Nuumala-vo, mwaakohe alipa oowiriyana nikoho ninttharelana:

Orumeelaka ntakiheryo nawe nooloka, Yesu oowiixuttiha saana awiixutti awe. Xeeni munoona anyu wiira orumeela enamuna ele yaari yooreerela?

Mwaakhule va

Ntoko anamuyari, itthu munipaka anyu, pooti waakhaliherya aniinyu ottottela mureerelo okathi muniwiixuttiha anyu. Nave ntakiheryo nanyu nooloka, pooti owiiriha aniinyu ottittimiha ele munihimya anyu ni pooti owiiwelelakani.

Ifootu: Ifootu sinooniheriwa eviidiyu eni: “Owiixuttiha Aniihu ni Ntakiheryo Nahu.” 1. Emusi Garcias akilaathale ene mukaaroni ni ari ene oolikana ene wiira arowe mithukumano sa mmulokoni. 2. Nuumala otthika omithukumanoni annikilathi wiira alye etthu. Awo ennaasivela eyoolya ele ni annivaanelasa. 3. Munna Garcia onnihiyererya yoosoma awe wiira ovaanele ni mwanawe mmosa. 4. Munna ni murokora Garcia annimurumeela Biibiliya wiira amukhaliherye mwanaya.

Nwehe EVIIDIYU Owiixuttiha Aniihu ni Ntakiheryo Nahu. Nuumala-vo, mwaakohe alipa-oowiriyana makoho ala anittharelana:

Itthu xeeni sa efaita emusi Garcias ewiixuttihe aya anaaya?

Mwaakhule va
Eviidiyu ela yookhalihenryeni sai ohihiya waavaha ntakiheryo nooloka aniinyu?

Mwaakhule va

8. Yoosoma ya Biibiliya ya Muloko

(30 min.) Mwiixutte Myaha sa Biibiliya yoosoma 64