20-26 YA JANEIRO
ESAALIMU 138-139
Nsipo 93 ni Nivekelo | Masu Oopacerya (1 min.)
1. Muheemererye Woova Owiirihakani Ohikomentari Mmithukumanoni
(10 min.)
Nimphavela onvuwiha Yehova ni murima ahu wootheene. (Esa 138:1)
Akhala wiira munnoovelela okomentari mmithukumanoni, mmuroromeleke Yehova wiira onimookhaliheryani. (Esa 138:3)
Okathi mukina, woovelela iwo pooti okhala ekanyeryo yooloka. (Esa 138:6; Owehaweha 01/2019 epaax. 10 etti. 10)
MALAKIHERYO: Vakhala wiira munoovahaka ekomentaario yookhuveya, munoovukula oxanka. — Owehaweha 04/2023 epaax. 21 etti. 7.
2. Itthu sa Efaita sa Mbiibiliyani
(10 min.)
Esa 139:21, 22 — Niireke makristau ahaana waalevelela atthu ootheene? (Perpicaz vol. 2 epaax. 630 etti. 5)
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Esa 139:1-18 (Wiixuttiha yoosoma 2)
4. Ovaanela Woopacerya
(3 min.) OLALEERYA MAPURO OOWAATTA ATTHU. (Waaphenta Atthu yoosoma 2 eponto 3)
5. Waapaka Awiixutti
(4 min.) OLALEERYA MAPURO OOWAATTA ATTHU. Mmooniherye ni munvahe mutthu owo yoosoma ya Biibiliya. (Waaphenta Atthu yoosoma 10 eponto 3)
6. Mwaha
(5 min.) Owehaweha 04/2024 ipaax. 14-17 itti. 1, 4-10 — Muru: Munrowa Oxintta Sai Woova? (Wiixuttiha yoosoma 16)
Nsipo 59
7. Munoowerya Okhumela Saana ni Muteko Woolaleerya Hata Muri Ene Mutthu Oowoova
(15 min.) Mwaha ni makoho vakhani.
Niireke munniixoona wiira mwa mutthu oowoova? Okathi munuupuwela anyu olavula ni atthu akina, niireke munnoova? Ikwaha sikina, woova pooti oniiriha ohipaka itthu naaphavela ahu. Hata vari siiso, atthu akina anoova anniwerya waaleela atthu akina voohimya sa Biibiliya ni onnaasivela olaleerya. Ntakiheryo nla ninniixuttiha exeeni?
Nwehe EVIIDIYU Kinnipaka Ele Eniwerya Aka Hata Koovaka. Nuumala-vo, mwaakohe alipa-oowiriyana nikoho ninttharelana:
Xeeni vaari aya vooloka murokora Laura otthara miruku aavahiwe awe ni piipi awe sini “mpakeke ele eniwerya anyu mmutthenkesoni wa Yehova”?
Biibiliya onnooniherya wiira Moise, Yeremiya ni Timootheyo yaaniimananiha wiira axintte woova. (Okh 3:11; 4:10; Yer 1:6-8; 1 Ti 4:12) Masi hata vari siiso, awo yaaniwerya ovara miteko sinceene sa Yehova okhala wiira owo aanaakhaliherya. (Okh 4:12; Yer 20:11; 2 Ti 1:6-8)
Mmusome Yesaya 43:1, 2. Nuumala-vo, mwaakohe alipa-oowiriyana makoho anittharelana:
Yehova onaareeliha sai apatthani awe?
Yehova onrowa waakhaliherya sai atthu oowoova okhumela saana?
Nwehe EVIIDIYU Xeeni Opatisiwa Onoophwanyihaayani Ohakalala Wuulupale? — Eviidiyu Yaamukhaani. Nuumala-vo, mwaakohe alipa-oowiriyana makoho anittharelana:
Moota xeeni murokora Loraini aawenhe awe owerya ni nikhaliheryo na Yehova okathi woolaleerya?
Muteko woolaleerya onrowa omukhaliherya sai mutthu oowoova?
8. Yoosoma ya Biibiliya ya Muloko
(30 min.) Mwiixutte Myaha sa Biibiliya yoosoma 66