28 A ABRIL-4 A MAIO

MIHAKHU SINIKHUMA MBIIBILIYANI

1. Muupuweleke Saana Muhinatthi Olavula!

(10 min.)

Muhilavuleke moolumo anrowa omphwanyiha mixankiho “ole mwaattamanne anyu”. (Mir 11:9; A Sentinela 15/05/2002 epaax. 26 etti. 4)

Muhilavuleke moolumo anrowa okumiherya okawanyeya. (Mir 11:11; A Sentinela 15/05/2002 epaax. 27 itti. 2-3)

Muhilaleyeke isiiri sa atthu akina. (Mir 11:12, 13; A Sentinela 15/05/2002 epaax. 27 etti. 5)

Anna anli avaanelaka Empa ya Omwene. Munna mmosa omulavulaka voohiloka munna mukina oniwaattamela.

WIIRA MUUPUWELELE: Moota xeeni moolumo a Yesu ari Luka 6:45 annikhaliherya aya osyaka moolumo anrowa waakumiherya mixankiho atthu akina?

2. Itthu sa Efaita sa Mbiibiliyani

(10 min.)

Mir 11:17 — Xeeni vari aya vooloka okhala mutthu ooreera murima? (Despertai! 01.2020 epaax. 11, ekaaxa)

Mwaakhule va
Itthu xeeni sa efaita siphwannye anyu okathi mwaamusoma anyu Biibiliya esumana ela?

Mwaakhule va

3. Omuleeri Biibiliya

(4 min.) Mir 11:1-20. (Wiixuttiha yoosoma 5)

MUKHALELELKE NTHITI MUTEKO WOOLALEERYA

4. Ovaanela Woopacerya

(4 min.) OLALEERYA MOOHIILOKIHERYA. Mwaavye enamuna ya omuleela mutthu owo etthu mwiixuntte anyu muthukumano wookiserya mwaarowenle anyu.(Waaphenta Atthu yoosoma 2 eponto 4)

5. Ohihiya Waakhaliherya

(4 min.) OLALEERYA MOOHIILOKIHERYA. Mmooniherye eviidiyu eri ekaaxa ya Ikaruma Sinnikhaliherya Wiixuttiha. (Waaphenta Atthu yoosoma 8 eponto 3)

6. Waapaka Awiixutti

(4 min.) OLALEERYA MAPURO OOWAATTA ATTHU. Mmooniherye moota onipakiwa awe kursu a Biibiliya nuumala-vo mpacerihe yoosoma ya Biibiliya. (Waaphenta Atthu yoosoma 10 eponto 3)

MAKHALELO A MAKRISTAU

7. Musyake Olavula Moolumo Anihoonona Murettele

(15 min.) Mwaha ni makoho vakhaani.

Mwaha wookhala atthu oohimalela okathi mukina ninnittheka ni moolumo ahu. (Yak 3:8) Masi vakhala wiira nnoorowa ovahaka ephole mikhalelo soohiloka suulaanale olelo-va, eyo enoonikhaliherya osyaka olavula itthu sinrowa oniiriha othanana muhoolo. Mikhalelo sikhanle ohonona murettele mmulokoni tiiya:

Wiittottopa moohikhalela. Mukhalelo ola wa wiittottopa onnikumiherya oxinttana ni nrima. — Mir 27:2
Ohiroromeleya. Mukhalelo ola khonitaphulela paahi wootha vakhaani, masi onihela muhina olakelela onwoka mutthu. Wootha hata okhalaka vakhaani onnimwiiriha mutthu ohiroromeliwa ni atthu akina nave onnihonona mukhalelo wa mutthu owo. — Mu 10:1
Ohankawaani. Mukhalelo ola onihela muhina owaapa atthu, wiikeliha myaha sa atthu akina aahiiso olaleya isiiri sa atthu akina. (1 Ti 5:13) Mukhalelo ola pooti okumiheryaka onyakulihana ni okawanyeya mmulokoni.
Moolumo a owali. Olavula onanariwe ene onnimwiiriha mutthu olavula moolumo ooveha. (aEef 4:26) Nave onanariwa onnikumiherya mixankiho. — Mir 29:22

Itthu sinooniheriwa eviidiyu eni: “ ‘Murule’ Mikhalelo Sinihonona Murettele —⁠ Mpantta mwaamukhaani”. 1. Cecilia ni Amina akilaathale ene awuryaka ekafe. Amina onniweha mutelefonini itthu Ana onilaleya awe mu redes sociais. 2. Ana onnilavula onanariwe ene ni Cecilia opuro oneemexiwa ikaro Empa ya Omwene.

Nwehe EVIIDIYU “Murule” Mikhalelo Sinihonona Murettele — Mpantta Mwaamukhaani. Nuumala-vo mwaakohe alipa-oowiriyana wiira:

Moota xeeni moolumo ahu akhanle aya oohonoona murettele mmulokoni?

Mwaakhule va

Wiira musuwele moota woottikiherya murettele nwehe eviidiyu eni: “Mphaveleke Murettele ni Mweetteleke Yoowo”.

8. Yoosoma ya Biibiliya ya Muloko

(30 min.) Mwiixutte Myaha sa Biibiliya yoosoma 80