18-24 YA AGOSTO
MIRUKU 27
Nsipo 102 ni Nivekelo | Masu Oopacerya (1 min.)
1. Moota Apatthani Eekeekhai Annikhaliherya Aya
(10 min.)
Moolipa murima, apatthani eekeekhai anrowa onivahaka miruku sooloka. (Mir 27:5, 6; Owehaweha 09/2019 epaax. 5 etti. 12)
Apatthani eekeekhai, pooti okhala oolikana ene wiira anikhaliherye okathi wa mixankiho ovikana amusi. (Mir 27:10; Perspicaz vol. 2 epaax. 1215 etti. 3)
Apatthani eekeekhai anninikhaliherya okhala mutthu ooloka. (Mir 27:17; Owehaweha 09/2023 epaax. 10 etti. 7)
2. Itthu sa Efaita sa Mbiibiliyani
(10 min.)
Mir 27:21 — Mwa enamuna xeeni ottottopeliwa onneehererya aya? (Owehaweha 15/09/2006 epaax. 19 etti. 12)
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Mir 27:1-17 (Wiixuttiha yoosoma 5)
4. Ovaanela Woopacerya
(3 min.) OLALEERYA EMPA NI EMPA. Mutthu owo oneettela etiini ekina, yoohikhala ya ekristau. (Waaphenta Atthu yoosoma 6 eponto 5)
5. Ohihiya Waakhaliherya
(4 min.) OLALEERYA MOOHIILOKIHERYA. Mutthokiherye eviidiyu emosa eri Ekaaxa ya Ikaruma Sinnikhaliherya Wiixuttiha. (Waaphenta Atthu yoosoma 8 eponto 3)
6. Mwaha
(5 min.) Owehaweha 02/2025 epaax. 15 itti. 5-6, 8-9 — Muru: Nnoonela Sai Okathi Mpatthani Ahu Onnitthekela Awe? (Wiixuttiha yoosoma 14)
Nsipo 109
7. “Onnikhala Munna Okathi wa Mixankiho”
(15 min.) Mwaha ni makoho vakhaani.
Yehova oonivaha mutthenkeso wa ekristau wa olumwenku wootheene, memmo nikhanle ahu oowaaphwanya apatthani ophenta. Nnaamwi nikhalanaka apatthani anceene mmulokoni, tani ari apatthani ahu eekeekhai? Ninnikhala apatthani eekeekhai, okathi ninsuwelana ahu saana, ninroromelana ahu mukina ni mukhwaawe, ninleelana ahu itthu sinnixankiha, okathi ninvara ahu miteko hoothe ni vaavo ninkhaliheryana ahu mukina ni mukhwaawe. Tivonto wiira mwaaphwanye apatthani eekeekhai onipirisari okathi ni wiimananiha.
Musome Miruku 17:17. Nuumala-vo, mwaakohe alipa-oowiriyana nikoho ninttharelana:
Xeeni vari aya va miruku okhalana apatthani eekeekhai nenna-va, ahinatthi opacerya maxakha maalupale?
Mmusome 2 aKorinto 6:12, 13. Nuumala-vo, mwaakohe alipa-oowiriyana nikoho ninttharelana:
Moota xeeni ovarihela muteko eversiikulu ela enrowa aya onikhaliherya waapaka apatthani?
Nwehe EVIIDIYU ‘Khula Etthu Yokhalana Okathi Aya’ — Waapaka Apatthani. Nuumala-vo, mwaakohe alipa-oowiriyana nikoho ninttharelana:
Eviidiyu ela mwiixuntte exeeni voohimya sa opatthani?
Nyuwo pooti opaceriha ompatthani, mulavulaka mwa enamuna yoopatthaneya aahiiso mutheyaka ni mpakaka itthu sinooniherya wiira munnimuthokorerya mutthu owo. Onnivira okathi wiira opatthani anyu okhale woolipa, tivonto, mpixeke murima. Mwiira siiso opatthani anyu pooti okhala wa mahiku ootheene.
8. Yoosoma ya Biibiliya ya Muloko
(30 min.) Mwiixutte Myaha sa Biibiliya yoosoma 10 ni 11