3-9 YA NOVEMBRO

MIHAKHU SINIKHUMA MBIIBILIYANI

1. Yoowiiraneya ya Ophenta Ohinimala

(10 min.)

[Nwehe EVIIDIYU Masu Oopacerya a Nsipo na Salomooni.]

Salomooni aahilavula itthu sooreera sa mwali a oXulami ni ahinvaha mihakhu sinceene. (Nsi 1:9-11)

Mwali a oXulami, ophenta weekeekhai aarina awe ni makampusi awe, waahimukhaliherya okhala oororomeleya. (Nsi 2:16, 17; Owehaweha 15/01/2015 epaax. 30 itti. 9-10)

Mwali a oXulami okhoottaka nlattulo na mwene Salomooni na ovolowa mutentani mwawe, nave mwali owo omurenrye ene ettuli ni owehaka mpantta mukina. Arumeyi araru a Salomooni ari ene ohoolo wa etenta, mmosa ovarenle ene etuwalya, mukina okunxeene epasiya ni ookiserya okunxe ene exaaru.

MALAKIHERYO: Okathi munisoma anyu eliivuru ya Nsipo na Salomooni, murumeeleke mpantta oni: “Myaha sinithokoreriwa”, siri Biibiliya a Elapo Esya wiira mmusuwele mutthu onilavula mpantta owo.

2. Itthu sa Efaita sa Mbiibiliyani

(10 min.)

Nsi 1:2; 2:6 — Ale aninamorari, anrowa wiiriha sai onamorari waya onvuwiha Yehova? (Owehaweha 05/2024 epaax. 29 itti. 10-11)

Mwaakhule-va
Itthu xeeni sa efaita siphwannye anyu okathi mwaamusoma anyu Biibiliya esumana ela?

Mwaakhule-va

3. Omuleeri Biibiliya

(4 min.) Nsi 2:1-17 (Wiixuttiha yoosoma 12)

MUKHALELEKE NTHITI MUTEKO WOOLALEERYA

4. Ovaanela woopacerya

(3 min.) OLALEERYA EMPA NI EMPA. Mpacerihe ovaanela murumeelaka mwaha ori apendise A a ebroxuura Waaphenta Atthu. (Waaphenta Atthu yoosoma 1 eponto 3)

5. Ohihiya Waakhaliherya

(4 min.) OLALEERYA EMPA NI EMPA. Mpacerihe ovaanela murumeelaka mwaha mmosa ori apendise A a ebroxuura Waaphenta Atthu. (Waaphenta Atthu yoosoma 9 eponto 3)

6. Waapaka Awiixutti

(5 min.) Okumi woohimala yoosoma 18 masu oopacerya ni eponto 1-3. (Wiixuttiha yoosoma 8)

MAKHALELO A MAKRISTAU

7. “Mutthu Oovaha Onooreelihiwa”

(15 min.) Mwaha ni makoho vakhaani onilavuliwa ni mutokweene.

Vaavo ninvaha ahu mireerelo aahiiso okathi ahu wiira naakhaliherye atthu akina, ninniphwanya mareeliho. Okhala wene, mutthu onivahiwa onnihakalala, nave onnoona okhala mareeliho etthu ovahiwa awe. Mwa enamuna emosa-ru, ole onivaha onniphwanya mareeliho. (Mir 22:9) Ohiya paahi ohakalala mwaha woomutakiha Muluku, masi-tho mutthu owo onneemereriwa ni Yehova. — Mir 19:17; Yak 1:17.

Mwana mmosa muthiyana ovahaka musurukhu awe mukaaxani Empa ya Omwene.

Mulopwana mmosa omurumeelaka tableti awe wiira ovahe musurukhu awe omurumeelaka interneti.

Nwehe EVIIDIYU Ovaha Onnihakalaliha. Nuumala-vo mwaakohe alipa-oowiriyana makoho ala anittharelana:

Moota xeeni atthu naawenhe ahu nviidiyuni, awenhe aya ohakalala onikhumelela mwaha wa ovaha wa anna ni arokora a olumwenku wootheene?

Mwaakhule-va
Moota xeeni awenhe aya ohakalala onikhumelela mwaha wookhala atthu oovaha?

Mwaakhule-va

8. Yoosoma ya Biibiliya ya Muloko

(30 min.) Mwiixutte Myaha sa Biibiliya yoosoma 32 ni 33