22-28 YA DEZEMBRO
YESAYA 11-13
NSIPO 14 ni Nivekelo | Masu Oopacerya (1 min.)
1. Biibiliya Aahimmye Exeeni sa Mesiya?
(10 min.)
Owo aarowa okhala osuulu wa Yese orweela wa mwanawe Davidi. (Yes 11:1; Profecia de Isaías vol. 1 muru 13 epaax. 159 itti. 4-5)
Owo aamukhalana munepa wa Muluku ni ammuttittimihaka Yehova. (Yes 11:2, 3a; Profecia de Isaías vol. 1 muru 13 epaax. 159 etti. 6; Owehaweha 06/2023 epaax. 15 etti. 5)
Owo aarowa okhala mphuki a xariya ni oomoriwa ikharari. (Yes 11:3b-5; Profecia de Isaías vol. 1 muru 13 epaax. 160 etti. 9; ni epaax. 161 etti. 11)
WIIRA MUUPUWELELE: Exeeni enimwiiriha Yesu okhala mukhulupale waavikana anamalamulela a mulaponi?
2. Itthu sa Efaita sa Mbiibiliyani
(10 min.)
Yes 11:10 — Moovarihana ni yoolepa ela, muteko xeeni muulupale wa wiixuttiha onrowa ovariwaka mulaponi mootheene? (Owehaweha 09/2022 epaax. 20 etti. 2)
Itthu xeeni sa efaita siphwannye anyu okathi mwaamusoma anyu Biibiliya esumana ela?
3. Omuleeri Biibiliya
(4 min.) Yes 11:1-12 (Wiixuttiha yoosoma 11)
4. Ovaanela Woopacerya
(3 min.) OLALEERYA EMPA NI EMPA. (Waaphenta Atthu yoosoma 2 eponto 5)
5. Ohihiya Waakhaliherya
(4 min.) OLALEERYA MAPURO OOWAATTA ATTHU. Murumeele esaiti jw.org wiira mwaakhule nikoho mutthu owo opanke awe. (Waaphenta Atthu yoosoma 8 eponto 3)
6. Waapaka Awiixutti
(5 min.) Mmukhaliherye naxikola anyu a Biibiliya, moota woowiilokiherya wiira murowase hoothe olaleerya empa ni empa. (Waaphenta Atthu yoosoma 11 eponto 4)
Nsipo 57
7. Niireke ‘Munniphuka Muttharaka Exariya?’
(15 min.) Mwaha ni makoho vakhaani.
Ikwaha sikina, hiyo pooti waaphukela atthu akina moohisuwela. Hiyo pooti waaphukela atthu akina mwaha wa itthu ninweha ahu paahi. Masi Yesu, yoowo okhanle ntakiheryo nahu, oniphuka mwa enamuna yoovirikana. (Yes 11:3, 4) Yesu onnimusuwela khula mmosa a hiyo ni onnisuwela itthu nnuupuwela ahu. Masi hiyo apinaatamu khaninwerya opaka eyo. Masi hiyo pooti opaka ele eniwerya ahu wiira nimutakihe. Owo aahimmye so: “Muhiye omphukela mutthu muttharaka itthu sinooneya, masi mphukeke muttharaka exariya”. — Yoh 7:24.
Akhala wiira nnimwaaphukela atthu akina nttharaka itthu nnoona ahu, eyo pooti waafetari muteko nninvarela ahu Yehova. Mwa ntakiheryo, niireke okathi ninrowa ahu olaleerya ninnaathanla atthu, niwehaka eraasa aya aahiiso etiini aya? Niireke ninnaalaleerya atthu arina musurukhu munceene ni ale oohaawa? Niireke makhalelo a atthu akina anniniiriha wuupuwela wiira khanirowa oniwiriyana? Muluku oniphavela wiira “atthu a makhalelo otheene yoopowe, ni akhalane osuwela weekeekhai” — 1 Tim 2:4.
Nwehe EVIIDIYU Itthu Nniixutta Ahu ni Erevista Owehaweha — Muhiye omphukela mutthu muttharaka itthu sinooneya. Nuumala-vo mwaakohe alipa oowiriyana makoho anittharelana:
Inamuna xeeni sa nthalu siniromoliwa nviidiyuni?
Akhala wiira nnookhalana nthalu ni axinnihu, exeeni ekhanle oowiiraneya mmulokoni?
Exeeni yaakhalihenrye anna ni arokora yooniheriwe nviidiyuni, ohaaphukela atthu akina attharaka itthu sinooneya?
Etthu xeeni mwiixuntte anyu ni mwaha onikhuma owehaweha, ooniheriwe nviidiyuni?
8. Yoosoma ya Biibiliya ya Muloko
(30 min.) Mwiixutte Myaha sa Biibiliya yoosoma 46 ni 47