Myaha Sinithokoreriwa

Anatiri akavi ammanenle anyu Yehova? Niireke munnikhala moovarihana ni anatiri awo? Ankhi natiri a wiivahererya wanyu wa Yehova ni a ekasamento anyu? Mwaha ola, ninrowa wiixutta matakiheryo ooloka a natiri a Yefte ni Ana, yaawo yaamutthukunle. Matakiheryo aya anoonikhaliherya waatthukula anatiri ammanenle ahu Muluku.

Ikwaha sinceene ninnuupuwela ele Yehova onrowa awe onivaha mParayiisu. Masi mwaha ola, ninrowa othokorerya mixankiho mixexe Yehova onrowa awe omala-maliha wira valaponi okhale murettele ni ohakalala. Othokorerya itthu iyo, onoonikhaliherya olipiha waamini wahu ni ovikaniha ovilela.

Vaavo ninkupali ahu wira mutthu mukina aahiiso hiyo noothokoreriwa moohixariya, waamini, wiiyeviha ni ororomeleya wahu onneehereriwa. Myaha iya, ninrowa othokorerya sowiiraneya tthaaru sinrowa onikhaliherya otakiha moota Yehova onoonela awe exariya.

Nnaamwi Yehova orina ene sotheene, owo onnihakalala vaavo onoona awe wiimananiha wahu wira nikhaliherye ehakhi ya olamulelo awe. Makhulupale ekapiitulu 4 ni 5, ninrowa wiixutta wira Yehova onnixukhurela ophavela wahu omurumeela yena ni otthara malakiheryo awe.