B1
Ihapari sa Biibiliya
Yehova ookhalana etireitu ya olamulela. Owo onnilamulela saana. Etthu olakenle awe wiiriha elapo ni owiirela apinaatamu, enimwiiraneya.
Nuuvira Eyaakha ya 4026 O.K.O. “Enowa” yaahivaanyiha etireitu ya Yehova ya olamulela ni moota onilamulela awe. Nto Muluku aahileiherya okumiherya “osuulu” waarowa ompwetexa Satana. (Maphattuwelo 3:1-5, 15) Masi, Yehova ohaavaha okathi apinaatamu wiira yiilamuleleke ahooleliwaka ni Satana. |
Eyaakha ya 1943 O.K.O. Yehova onnimuleela Abrahamu wiira “osuulu” waaleiheriwe, waarowa okhuma nloko nawe. — Maphattuwelo 22:18. |
Nuuvira Eyaakha ya 1070 O.K.O. Yehova aahimuleela Mwene Davidi, nave muhoolo mwaya, aahimuleela Salomooni, mwaana a Davidi wiira “osuulu” waaleiheriwe, waarowa okhuma mweemusini mwaya. — 2 Samuweli 7:12, 16; 1 Mamwene 9:3-5; Yesaya 9:6, 7. |
Eyaakha ya 29 N.K.O. Yehova onnimooniherya Yesu ntoko “osuulu” waaleiheriwe, yoowo ohiyeriwe ehice ya Davidi. — Akalaasia 3:16; Luka 1:31-33; 3:21, 22. |
Eyaakha ya 33 N.K.O. Enowa, eyo piiyo, Satana, enniluma “osuulu” waaleiheriwe mwaha woomwiiviha Yesu. Yehova aahimuhihimuxa Yesu, onvaha okumi wiirimu. Nave, aamweemererya Yesu ovaha okumi awe wooloka ntoko mukuttho oniliverya etampi, wiira osuulu wa Adamu ophwanye okumi woohimala. — Maphattuwelo 3:15; Miteko 2:32-36; 1 Akorinto 15:21, 22. |
Eyaakha Yoowiiraka 1914 N.K.O. Yesu onnimurihela Satana valaponi, onvahaka okathi vakhaani. — Wiisuupulula 12:7-9, 12. |
Muhoolo Yesu onoomutthukwa Satana iyaakha 1.000, nuumala-vo onompwetexa, eyo piiyo, onyakatta muru awe mwa nthoonyeryo. Nto etthu yoopacerya Yehova aalakenle awe para elapo ya vathi vamosa ni apinaatamu, enimwiiraneya. Nsina na Yehova nnootteelihiwa, nave okhulupale awe onoovuwihiwa. — Wiisuupulula 20:1-3, 10; 21:3, 4. |