EPANTTE 9

Eparayiisu Enrwa Silini?

Maxakha anikhumela vano anooniherya wira Omwene wa Muluku ori vakhiviru. Luka 21:10, 11; 2 Timótheyo 3:1-5

Mixankiho sinikhumela mahiku ookiserya—axooko a musurukhu, ikhotto, iretta, othowa eyoolya, ohiwiiwelela anamuyari, ni onyakulihana vatthokoni

Biibiliya aahihimya vahinatthi itthu sinceene siniiraneya olelo-va. Aahimmye wira atthu yaarowa ophentaka musurukhu, ohiwiiwelela anamuyari aya, okhala oowali, ni ophenta itthu sinihakalaliha erutthu paahi.

Aahihimya-tho wira saamukhala itetere, ikhotto, othowa wa soolya, ni iretta sowaakuva wuulaana. Tthiri itthu iyo sinniiraneya mahiku ala.

Namoona a Yehova omulaleeryaka ihapari sooreera sa oMwene mulopwana mmosa

Yesu aahimmye-tho wira ehapari yooreera ya Omwene yaarowa olaleiwa mulaponi motheene.—Matheyo 24:14.

Omwene wa Muluku onrowa omala-maliha itthu sotheene sootakhala. 2 Pedru 3:13

Atthu ootakhala anrowa opwetexiwa okathi wa Armagedoni, Numala-vo Satana ni malaikha awe anrowa ophukeliwa

Ninaano-va, Yehova onrowa waapwetexa atthu otheene ootakhala.

Satana ni aXetwani awe anrowa ohukhummwa.

Yesu okilaathale ene veehiceni vawe wiirimu ni atthu a makhalelo oovirikana ayreene oohakalala

Nto ale aninwiriyana Muluku anrowa woopowa wira akhaleke mulaponi mwa xariya muhinrowa okhala woova, elapo yeeyo atthu anrowa aya ororomelanaka ni ophentana.