Watchtower EBIBLIOTEKA ONLAINE
Watchtower
EBIBLIOTEKA ONLAINE
Emakhuwa
  • BIIBILIYA
  • ILIIVURU
  • MITHUKUMANO
  • lfb yoosoma 74 epaax. 176-epaax. 177 etti. 4
  • Yesu Aahikhala Mesiya

Mpantta ola khekhanle eviidiyu.

Muniswaamihe, khivaniweryaneya orumiha eviidiyu ela.

  • Yesu Aahikhala Mesiya
  • Mwiixutte Myaha sa Biibiliya
  • Mwaha Onlikana Nuula
  • Yohani Onimbatiza Yesu
    Eliivuru Aka ya Miyaha Sa Biibiliya
  • Yesu Aahibatiziwa
    Yesu ti Ephiro, Ekeekhai ni Ekumi
  • Yohani Aahilokiherya Ephiro
    Mwiixutte Myaha sa Biibiliya
  • Yesu Kristu ti Pani?
    Biibiliya Onniixuttiha Exeeni?
Nwehe Sikina
Mwiixutte Myaha sa Biibiliya
lfb yoosoma 74 epaax. 176-epaax. 177 etti. 4
Nuumala Yesu obatiziwa ni Yohani, munepa wootteela wa Muluku waahimukhuruwela ntoko epomba

YOOSOMA 74

Yesu Aahikhala Mesiya

Yohani aanilaleya ohimyaka so: ‘Onimoorwa mukina ookivikana miyo’. Okathi Yesu aarina awe iyaakha 30, aahikhuma oGalileya orowaka oMuro Yordani, weiwo Yohani aabatiza awe atthu. Yesu aaphavela wira obatiziwe ni Yohani, masi Yohani aahihimya so: ‘Miyo nkikhanle owoobatizani. Nyuwo mumphwanela okibatiza miyo’. Yesu aahimuleela wira: ‘Yehova oniphavela wira nyuwo mukibatize’. Nuumala-vo, oowanli aya yaahirowa oMuro Yordani, Yohani aahimpwiniha Yesu mmaasini.

Yesu okhumakaru mmaasini aahipaka nivekelo. Okathi ene yoowo erimu yaahihuleya ni munepa wootteela waahimukhuruwela Yesu ntoko epomba. Nuumala-vo Yehova aahilavula so: ‘Nyuwo mwa mwanaka onimphentexaka, miyo kosiveliwa ni nyuwo’.

Okathi Yesu aakhenle awe munepa wootteela, owo aahikhala Kristu, aahiiso Mesiya. Vano Yesu aari oolikana ene wira opacerye muteko Yehova aamurumme awe ovara valaponi.

Nuumala Yesu obatiziwa, aahirowa woothakoni khumaliha mahiku 40 ori ene weiwo. Vaavo aahokolonwe awe, aahirowa okumana ni Yohani. Nuumala omoona Yesu, Yohani aahihimya so: ‘Ola Mwaapwittipwitthi a Muluku, onirowa ottipiha yoottheka ya mulaponi’. Ni moolumo ale, Yohani aahaasuweliha atthu wira Yesu aari Mesiya. Munnisuwela etthu yaamukhumelenle Yesu okathi aari awe moothakoni? Nrowe niwehe muru onittharelana.

“Nahìwanyeya nsu nikhumaka wirimu, nihimyaka wira: ‘Nyuwo mwá Mwan’aka onimphentexaka: miyo kosiveliwa ni nyuwo’”.​—Marko 1:11

Makoho: Xeeni Yesu aabatiziwe awe? Xeeni Yohani aahimme awe wira Yesu ari Mwaapwittipwitthi a Muluku?

Matheyo 3:13-17; Marko 1:9-11; Luka 3:21-23; Yohani 1:29-34; Yesaya 42:1; aHéberi 10:7-9

    Watchtower EBIBILIOTEKA ONLAINE (1982-2025)
    Okhuma
    Okela
    • Emakhuwa
    • Ovaha
    • Siniphavela Anyu
    • Copyright © 2025 Watch Tower Bible and Tract Society of Pennsylvania
    • Malamulo Oorumeela
    • Mwaha Woosuka Isiiri
    • Privacy Settings
    • JW.ORG
    • Okela
    Ovaha