Moolumo Oopacerya a Epantte 8

Yehova aahimureeliha Salomoni ni ankhili anceene nave aahinvaha eparakha ya oteka etemplo, masi vakhaani-vakhaani owo aahimuhiya Yehova. Akhala wira mwa namuyari, mmooniherye mwaninyu moota okokhorela wa ethiru waamwiirinhe aya Salomoni omuhiya Muluku. Omwene waahikawanyiwa, nave mamwene ootakhala yaahiwiiriha atthu ommwareela Yehova ni okokhorela ilatarato. Okathi owo maprofeta manceene oororomeleya a Yehova yaahilupatthiwa ni yaahiiviwa. Pwiyamwene Yezabeli aahihonona omwene wa epantte ya onikela epheyo ni mweettelo awe wa onammwareya. Owo waari okathi wooxankiha wa sowiiraneya sa aIsarayeli. Masi yaahikhala arumeyi anceene oororomeleya a Yehova wIsarayeli, omuhela muhina mwene Yosafati ni profeta Eliya.