Olavula Onooniherya Oreerela Murima

1 aTesalonika 2:7, 8

MALAKIHERYO: Mulavuleke ni murima wotheene, nwooniheryaka alipa-oowiriyana wira munnaathokorerya mwekeekhai.

MOOTA WOOPAKA:

• Nwuupuweleke alipa-oowiriyana. Mwiilokiheryeke muupuwelaka itthu sinaaxankiha. Mweererye wiihela nipuro naya.

• Muthanleleke saana moolumo anyu. Mphaveleke waamaaliha, waakhaliherya ni waalipiha alipa-oowiriyana. Musyakeke moolumo akhanle owaaveeha alipa-oowiriyana ni muhaaveeheke ale ahinaamini wala ale a itiini sikina.

• Mooniheryeke wira munnaathokorerya. Nwooniherye wira munnaathokoreya alipa-oowiriyana murumeeleka nsu ni othoonyasa mwa enamuna yookhalela. Ethoyi anyu evarihaneke ni mwaha onilavula anyu.