Muthanleke Matthekulelo Animusivela Yehova

Yehova, “Muluku oohakalala”. (1 Timootheyo 1:11) Nave oniphavela wira hiyo nihakalaleke. Owo onnimusivela vanceene okathi nniivaha ahu okathi wira nimumule. Yoosoma ela, ninrowa oweha moota nikhanle ahu oottottela mureerelo okathi nihinvara ahu etthu ni ohihiya omusiveliha Yehova.

1. Etthu xeeni ninreerela ahu wuupuwela okathi ninthanla ahu matthekulelo?

Etthu xeeni enoosivelani opaka okathi munitthekula anyu? Atthu akina onaasivela okhala owaani asomaka iliivuru, owiriyana muusika, oweha ifilme ni okela munternetini. Akina onaasivela weetta, orowa okata, othweela ni apatthani aahiiso ommana boola. Khula etthu ninthanla ahu opaka, nihaana oweha akhala wira matthekulelo ahu ‘annaasivela Apwiya’. (aEefeso 5:10) Ti vooloka wuupuwela eyo, mwaha woowi itthu sinceene atthu akina anipaka aya sinihela muhina itthu seiye Yehova oninyokha awe, ntoko itthu sootakhala, orupihana woohiloka ni okhwiri. (Musome Esalimo 11:5.) Etthu xeeni enrowa onikhaliherya othanla oratteene matthekulelo ahu?

Akhala wira apatthani ahu annimphenta Yehova, awo anoonikhaliherya othanla matthekulelo ooloka. Ntoko niwenhe ahu yoosoma 48, “onetta n’asuweli onokhala musuweli”. Masi akhala wira apatthani ahu khaneettela malamulo a Yehova ‘nnophwanya otakhaliwa’.—Miruku 13:20.

2. Xeeni vanireerela aya ovaha ephoole okathi ninviriha ahu nitthekulaka?

Hata matthekulelo ahu ari ene ooloka, nihaana wiivaha ephoole wira nihiviriheke okathi munceene nitthekulaka. Akhala wira nnooviriha okathi munceene nitthekulaka, eyo enooniiriha ohivara miteko sa faita yinceene. Biibiliya onnintumererya wira ‘nirumeeleke oratteene okathi ahu’.—Mmusome aEefeso 5:15, 16.

MWIIXUTTE ITTHU SIKINA

Nwehe etthu enrowa wookhaliheryani othanla matthekulelo ooloka.

3. Mukhootteke matthekulelo ahinimusivela Yehova

Xeeni vanireerela aya othanla saana matthekulelo ahu? Nwehe EVIIDIYU, nuumala-vo mwaakhule makoho.

EVIIDIYU: Muthanleke Saana Matthekulelo Anyu (4:39)

• Matthekulelo makina a olelo-va, anlikana sai ni axooku yaapakiwa ni magladiatoore a oRoma wa khalai?

• Eviidiyu niwenhe ahu, etthu xeeni Daniel iixuntte awe sa matthekulelo?

Mmusome aRoma 12:9, nuumala-vo mwaakhule nikoho ninttharelana:

• Yoolepa ela, enrowa wookhaliheryani sai othanla matthekulelo ooloka?

Itthu xeeni Yehova oninyokha awe? Musome Miruku 6:16, 17 ni aGalasia 5:19-21. Nuumala osoma khula yoolepa, mwaakhule nikoho ninttharelana:

• Itthu xeeni sinlavuliwa iversiikulu iya sinooniheriwa matthekulelo manceene olelo-va?

Munrowa othanla sai matthekulelo ooloka?

Mwiikoheke so:

• Kiireke enamuna ya matthekulelo ala, annivarihana ni itthu Yehova oninyokha awe?

• Kiireke matthekulelo ala, anookiiriha ohipaka itthu sa faita yinceene?

• Kiireke anookiiriha okhala mpatthani a atthu ahinimphenta Yehova?

Ti vooloka ohipaka itthu saarowa onikumiherya mixankiho. Akhala wira khaninsuwelexa wira matthekulelo awo tooloka aahiiso toohiloka, ti vooloka okhootta ni ohiirela mpantta

4. Murumeeleke oratteene okathi anyu

EVIIDIYU: Ti Pani Oneettiha Okathi Anyu? (2:45)

• Munna ninwenhe ahu nviidiyuni, khahiyo aapaka itthu sootakhala. Masi muxankiho xeeni aarina awe?

Mmusome aFilipi 1:10, nuumala-vo mwaakhule nikoho ninttharelana:

• Yoolepa ela, enrowa onikhaliherya sai othanla okathi ninviriha ahu nitthekulaka aahiiso niweettaka axooku?

5. Muthanleke matthekulelo anyu mwa miruku

Ekeekhai wira matthekulelo makina khanimusivela Yehova. Masi sookhala itthu sinceene sooloka nikhanle ahu oopaka wira nitthekule. Mmusome Musuweli 8:15 ni aFilipi 4:8, nuumala-vo mwaakhule nikoho ninttharelana:

• Matthekulelo xeeni anoosivelani?

IPONTO SUULUPALE

Yehova oniphavela wira nithanleke saana matthekulelo ahu ni nitthekuleke ni itthu sinnikhaliherya.

Wuuluula

• Matthekulelo xeeni makristau eekeekhai anireerela aya okhootta?

• Xeeni ninreerela ahu okhalana ephoole ni okathi ninviriha ahu nitthekulaka?

• Xeeni vanireerela aya nyuwo othanla matthekulelo animusivela Yehova?

NWEHE ITTHU SIKINA

Nwehe ti pani okhanle oothanla matthekulelo anyu.

“Niireke Anamoona a Yehova Annikhoottiha Iviidiyu, Muusika ni Iliivuru Sikina?” (Mwaha ori va jw.org)

Nwehe etthu enrowa wookhaliheryani osuwela etthu munireerela anyu opaka okathi wootthekula.

“Niireke Matthekulelo Anyu Tooloka?” (Owehaweha, 15 a Outubro, 2011)

Musome mwaha oni: “Koowerya Oxintta Nthalu”, wira moone etthu yaamukhalihenrye mulopwana mmosa opaka marukunuxo a matthekulelo awe.

“Biibiliya Onnirukunuxa Mirima sa Atthu” (Owehaweha, 1 a Feverero, 2010)

Nwehe etthu yaamukhalihen- rye maama mmosa opaka soothanla sooloka voohimya sa iviidiyu sa okhwiri.

Mukhootteke Matthekulelo Anivarihana ni Okhwiri (2:02)