Olipa Murima

Yoolepa: “Muluku oonivaha olipa murima wira noolaleeryeni ihapari sooreera”. — 1 aTes. 2:2.

Etthu Yesu Aapanke Awe

Yesu onnimutumererya Zakeyo okhuruwa mmwirini. Atthu akina ari vaavo annitikinihiwa.

EVIIDIYU: Yesu Omulaleeryaka Zakeyo

1. Nwehe EVIIDIYU, aahiiso mmusome Luka 19:1-7. Nuumala-vo, mwaakhule makoho anittharelana:

Etthu xeeni yaakhanle oowiiriha atthu akina ohimphavela Zakeyo?
Hata vari siiso, etthu xeeni yaamwiirinhe Yesu omulaleerya Zakeyo ihapari sooreera?

Etthu Yesu Onniixuttiha Awe

2. Nihaana olipa murima wiira nilaleyeke ihapari sa Omwene, nihimuthanlaka mutthu.

Mmutakiheke Yesu

3. Mmuroromeleke Yehova. Munepa wa Muluku waahimukhaliherya Yesu waalaleerya atthu. Nave, munepa owo wa Muluku onimookhaliheryani. (Math. 10:19, 20; Luka 4:18) Munvekele Yehova olipa murima, wiira nweryeke waalaleerya atthu aniwoopihani. — Mit. 4:29.

4. Muhaathanleke atthu. Hiyo pooti woovelelaka waalavuliha atthu akina, mwaha wa makhalelo aya, mwaha wa okhala athaaciri aahiiso oohaawa, wala mwaha wa etiini aya. Masi muupuweleke wiira:

Yehova ni Yesu paahi, taniwerya osuwela etthu eri vamurimani va mutthu, masi hiyo khaninwerya.
Khuuvo mutthu ohiniphwanela omoreliwa ikharari ni Yehova.

5. Mulipeke murima, masi mwaattittimiheke atthu ni mwiikasoopeke. (Math. 10:16) Musyakeke onyakulihana. Akhala wiira mutthu owo khoniphavela owiriyana ihapari sooreera aahiiso munnoova wiiraneya etthu yootakhala, mmalihe ovaanela iwo mwa enamuna yooreerela. — Mir. 17:14.

NWEHE-THO SOOLEPA IYA:

Mit. 4:31; aEef. 6:19, 20; 2 Tim. 1:7.