Niireke Ehaavo Etiini Enireerela Ororomela?

Akhala wira etiini emosa ehoonyoonyihani, nyuwo pooti woonaka ovila ororomela etiini ekina. Masi mukupali wira ehaavo etiini enireerela ororomela. Yesu oryeene valaponi, aahithanla egrupu ya atthareli oororomeleya nto owiixuttiha weettela malamulo a Muluku. Nto atthareli ekeekhai a Kristu, yaawo moohikhanyereriwa aniimananiha weettela malamulo a eKristau, nlelo ahaavo. Munrowa waaphwanya woowi?

Estela, oromoliwe wanipacerya wa erevista ela, onihimya so: “Miyo kaahipacerya omwiixutta Biibiliya vaavo kaapacenrye aka osomihiwa ni Anamoona a Yehova. Khiwaavinre okathi munceene wira kiiwexexe yoolepa ya Yohani 8:32, yeeyo eni: ‘Munosuwela ekekhai, vano ekekhai yeyo enimokhalihani òtaphuwa’”.

Rui, yoowo-tho oromoliwe ottuli iwo, onihimya so: “Mwaha woomusoma Biibiliya ni Anamoona a Yehova, miyo kihiixutta wira Muluku khahiyo tonikumiherya ohaawa wa apinaatamu. Miyo kinnixukhuru vanci osuwela wira nnaamwi Muluku orina ene mathowa ooloka wira ohiyererye otakhala, masi-tho owo onnileiherya omaliha moohipisa”.

Tthiri, ti voovila opaka itthu sooloka mwa olumwenku ola atthu anci ahinivaha aya efaita mweettelo wooloka. Masi vanniweryaneya opaka etthu yooloka. Atthu anceene anniphavela okhaliheriwa wira yiiwexexe ni weettela malamulo a Biibiliya. Ti maana aya Anamoona a Yehova animusomiha aya Biibiliya wa imilyau sinci sa atthu olumwenku wotheene vatthokoni vaya moohiliviwa etthu. Khuta esumana, mittitthi sa atthu anniixutta ele Biibiliya oniixuttiha awe tthiri. Eyo ennaakhaliherya, omwaattamela Mpattuxa aya, ni okhalana okumi woohakalala.a

Okathi onirowa anyu okumana ni Anamoona a Yehova, xeeni muhinaakoha anyu nthowa naya aniroromela aya etiini aya? Mutokose sowiixuttiha saya ni mweettelo aya. Nuumala-vo muthanle mmensinyu akhala wira ehaavo etiini mukhanle anyu oororomela.

[Enoota]

[Elatarato epaaxina 7]

[Eponto yuulupale ya epaaxina 7]

Xeeni muhinaakoha anyu Anamoona a Yehova nthowa naya aniroromela aya etiini aya?