MUNNUUPUWELA?

Niireke moosoma saana irevista Owehaweha sa naanano? Weeso, moone akhala wira munoowerya waakhula makoho anittharelana:

Wanikisa onirwa, itthu xeeni sinrowa omalihiwa?

Itthu sinrowa omala-malihiwa, ti iguvernu sa apinaatamu, ikhotto, ohixariya, itiini sihinikupaliwa ni Muluku ni atthu, ni ale ahinimukupali Muluku.​— 1/5, ipaax. 3-5.

Ti Pani Ori Gogi ni Magogi Onihimmwa Eliivuru ya Ezekiyeli?

Yowiiraneya ela khenimuhimya Satana, masi anihimmwa maloko otheene a valaponi yaawo anrowa waatuphela atthu a Muluku okathi wa maxakha maalupale.​— 15/5, ipaax. 29-30.

Itthu xeeni thanu namosa, sinrowa omukhaliherya mutthu oowuuluvala?

Biibiliya onnitumererya wira nihaana okhala (1) oowiiyeviha (2) okhalana moonelo wooloka, (3) wuupuwela itthu sooloka, (4) oovaha, (5) oopatthaneya, ni (6) ooxukhuru. Wuupuwelela mikhalelo iya sinoomukhaliherya vanceene mutthu oowuuluvala.​— 1/6, ipaax. 8-10.

Moota xeeni miiriirya sa Yesu soonihenrya aya ovaha wawe?

Yesu aahipaka mwiiriirya niira na ekasamento yaapakiwe oKanani, nto aahitatuxa iliituru 380 sa maasi khukhala eviinyu. Okathi mukina aahipaka mwiiriirya wa waalyiha atthu anivikana 5.000. (Math. 14:14-21; Yoh. 2:6-11) Miiriirya iyo saapanke awe, aamutakiha Tiithi awe oovaha.​— 15/6, ipaax. 4-5.

Nnaamwi niryeene atthu oohimalela, exeeni ennikupaliha wira nnoowerya omuhakalaliha Muluku?

Nnaamwi atthu a Muluku ntoko Yobi, Lothi, ni Davidi yaapaka itthu soohiloka, yoolakela aya waari omurumeela Muluku ni orukunuxa mweettelo aya. Ti maana aya yeemereriwe aya ni Muluku, nto hiyo nihaana opaka etthu emosaru.​— 1/7, ipaax. 12-13.

Niireke opwetexiwa wa itiini sotheene sa Babilonia Muulupale onitaphulela wiiviwa wa atthu otheene yeettela itiini iyo?

Woonasa wene, nnaari. Yoolepa ya Zakariya 13:4-6 ennooniherya wira aakhala ahooleli a itiini iyo anrowa ohiya itiini saya ni anrowa okhoottaka wira yaaniirela mpantta itiini iyo soowoka.— 15/7, ipaax. 15-16.

Xeeni Baraki aaphavela awe orowa okhottoni ni Deebora?

Baraki ari mulopwana oowaamini. Mwa miruku aahinvekela Yehova ikaruma sa ekhotto, owo aaniphavela nikhaliheryo na Muluku, eyo piiyo, Deebora, wira omulipihe yena ni anakhotto awe. (Makh. 4:6-8; 5:7)​— 1/8, epaax. 13.

Itthu xeeni muKristau sinireerela awe wuupuwelelaka?

Ti vootthuneya wuupuwelela miteko sa Yehova, ntoko soopattuxa sawe, Nuulumo nawe, eparakha erina ahu ya olavula ni yena, ni yowoopola enivanhe awe.​— 15/8, ipaax. 10-13.

Xeeni varya aya vowoopiha weetta ni apatthani oohiloka?

Nihipatthaneke ni atthu ale anipaka itthu soohiloka. Tthiri vaarowa okhala othoiwa ankhili Namoona a Yehova oobatiziwa oohithela wala oohitheliwa, omuurya wala wuuryiwa ni mutthu oohibatiziwa ohinimuroromela Yehova ni ohiniiwelela malakiheryo awe. (1 aKor. 15:33)​— 15/8, epaax. 25.

Exeeni yaamwiirinhe Pedru woova nto aalipinhe sai waamini wawe?

Waamini waahimwiiriha Pedru weetta vasulu va maasi orowaka waari Yesu. (Math. 14:24-32) Masi nuumala oweha epheyo yuulupale mphareya mme, ahoova. Nto owo aaninwehexexa Yesu ni aaheemererya okhaliheriwa.​—15/9, ipaax. 16-17.

Miteko 28:4 enihimya wira atthu a oMalta yuupuwela wira murummwa Paulo aari mutakhali. Mwaha wa xeeni?

Okathi Paulo alummwale awe ni evili, awo yoona wira muluku muthiyana iireliwa Dike, aaroomuhukhumu orweela wa enowa.​—1/10, epaax. 9.

Nniixutta exeeni wuukhuwa wa Martha ni itthu sinceene?

Ekwaha emosa, Martha ahaatteliwa miteko omananihaka olokiherya yoolya ya vameekhaaya ni miteko sikina. Nto Yesu aahimuleela Maria wira aahithanla mpantta wooreerexa onwiriyanaka Mwiixuttihi awe. Nto nihaana okhalana ephoole wira miteko sikina sihaakanyerye miteko sahu sa omunepani.​— 15/10, ipaax. 18-20.