Nihimyeke Exeeni Naakawaka Irevista

Sentinela 1 ya Setembro

“Ikwaha sinceene atthu annipaka itthu soohiloka mwaha woowi itiini sinaatumererya okhalela nthiti itthu soohiloka. Ankhi nyuwo, munoona wira etthu xeeni eniwiiriha atthu otepaka owokiwa? [Nwehereryeke waakhuliwa.] Nwehe ele Biibiliya ennitumererya awe. [Mmusome 1 Yohani 4:1.] Mwaha ola onnitthokiherya otthuneya waya ovarerya sookupali sahu ni ele Biibiliya eniixuttiha awe”. Muttittimiherye mwaha onipacerya epaaxina 10.

Despertai! a Setembro

Mmusome Matheyo 5:39. Nto muhimye so: “Munoona wira Yesu aaphavela ohimya wira okathi onihaaxiwa ahu nihipakeke etthu? [Nwehereryeke waakhuliwa.] Mwaha ola onnooniherya ele Biibiliya enihimya awe sa wiixaakiha ni ophavela waakiheriwa moovarihana ni nlamulo”. Muttittimiherye mwaha onipacerya epaaxina 10.

Sentinela 1 ya Outubro

“Molumwenkuni atthu a itiini sotheene annivekela. Nyuwo munoona wira Muluku onniwiriyana tthiri ni waakhula mavekelo awo? [Nwehereryeke waakhuliwa.] Biibiliya onintumererya wira nivekeleke. [Mmusome aFilipi 4:6, 7.] Erevista ela ennooniherya waakhula wa Biibiliya, mwa makoho 7 animakela okohiwa voohimya sa mavekelo”.

Despertai! a Outubro

“Ikwaha sinceene ninniiwa sa oohiroromeleya wa ale athelanne, wa mapoliisia, ni itthu sikina. Nyuwo munoona wira olelo-va aakhala atthu oororomeleya? [Nwehereryeke waakhuliwa.] Anamunceene anoona wira itthu iyo siniiraneya mwaha wa yoolepa ela. [Mmusome 2 Timótheyo 3:1-5.] Erevista ela ennitthokiherya opuro onrowa ahu waaphwanya atthu oororomeleya”.