Olaleerya Wookhweya

Wira Nipacerihe Soosoma sa Biibiliya eSaabadu Yoopacerya ya Novembro

“Nyuwo munoonela sai, atthu yaale aniimananiha omwiiwelela Muluku, annihakalala? [Nwehereryeke waakhuliwa.] Erevista ela, ennihimya itthu sikina soohakalaliha mmwaha ola”. Munvahe mwaneene etthoko erevista A Sentinela 1 ya Julyo; musome ni muthokorerye hoothe masu ari vathi va muru mwaamukhaani ipax. 16-17, ni musome yoolepa eromoliwe vaavo. Munvahe irevista iyo, ni mumpake palano wira mwamuxukurye ni waakhula nikoho ninttharelana.

Sentinela 1 ya Novembro

“Atthu akina anuupuwela wira sooruma sa Biibiliya voohimya sa orupihana ti sa khalai ni wira malamulo awo toovila. Akina annikupali ele Biibiliya onihimya awe. Nyuwo munuupuwela sai? [Nwehereryeke waakhuliwa.] Nkahaya moone eversiikulu ela enimooniherya mwaneene miruku iya. [Mmusome 2 Timótheyo 3:16.] Erevista ela ennaakhula makoho 10 animakela opakiwa voohimya sa orupihana. Nave, ennooniherya moota onikhaliherya aya otthara malakiheryo a Biibiliya”.

Despertai! a Novembro

“Natokosa saana itthu siri mulaponi, niireke wira sinoonikhaliherya okupali wira ookhala mpattuxa, wala sinrowa oniiriha okupali wira sikhumelenle mekhayaru? [Nwehereryeke waakhuliwa.] Moone ele namalepa mmosa a Biibiliya aakupanli awe nuumala otokosa itthu siri mulaponi. [Mmusome aRoma 1:20.] Erevista ela ennooniherya ele masientista yoonale aya voohimya sa eseelula ya mutthu, yeeyo enikhaliherya osuwela wira ookhala mpattuxa”.