Olaleerya Wookhweya

Wira Nipacerihe Soosoma sa Biibiliya eSaabadu Yoopacerya, Dezembro

“Anamunceene annilipelela wira Yesu onimoorwa-tho. Nto akhala wira Yesu onimoorwa, etthu xeeni enirowa anyu onvekela?” Nwehererye waakhuliwa. Mmooniherye epaaxina yookiserya ya Owehaweha 1 ya Dezembro, ni muthokorerye hoothe mwaha ori vathi va nikoho noopacerya ni muthanle yoolepa emosa wira musome. Munvahe irevista, ni mwiiwanane nihiku nootthikela wira mwaakhule nikoho ninttharelana.

OWEHAWEHA 1 ya Dezembro

“Mahiku ala, atthu annitepa waatteliwa miteko nto onnaavila omuupuwela Muluku. Munoona sai, niireke ti vootthuneya omuupuwela Muluku mookumini mwahu? [Nwehererye waakhuliwa.] Mwaha waalavuliwe ni Yesu vamwaako, onnooniherya wira nihaana ovaha efaita itthu somunepani naaphavelaka ophwanya ohakalala wekeekhai. [Mmusome Matheyo 5:3.] Erevista ela ennihimya itthu 3 sinooniherya wira hiyo nihaana omphavelaka Muluku”.

Despertai! a Dezembro

“Anamunceene a hiyo annipaka itthu moovarihana ni ele eniiwa aya wala enisoma aya mujornaaleni, televisau wala raadio. Munoonela sai, niireke ihapari sotheene siniiwa ahu ti sekeekhai ni soororomeleya? [Nwehererye waakhuliwa.] Biibiliya onnilopola wira nihiroromeleke itthu sotheene siniiwa ahu. [Mmusome Yobi 12:11.] Erevista ela ennivaha malakiheryo annikhaliherya osuwela akhala wira ele eniiwa ahu wala owiriyana ti yekeekhai”.