Olaleerya Wookhweya

Wira Nipacerihe Soosoma sa Biibiliya eSaabadu Yoopacerya, Setembro

“Atthu anceene annikupali wira malaikha ahaavo. Ankhi nyuwo? [Nwehererye waakhuliwa.] Ntoko soopattuxiwa somunepani, malaikha toowerya vanceene. Masi niireke awo anoowerya onikhaliherya? Biibiliya onnihimya moota malaikha annnikhaliherya aya olelo”. Mmooniherye epaaxina yookiserya ya erevista Owehaweha 1 ya Setembro, ni muthokorerye hoothe mwaha ori vathi va nikoho noopacerya ni muthanle yoolepa emosa wira musome. Munvahe irevista, ni mwiiwanane nihiku nootthikela wira mwaakhule nikoho ninttharelana.

Owehaweha 1 ya Setembro

“Olelo-va, apinaatamu annihonona elapo. Masi niireke vanooweryaneya olokiherya? [Nwehererye waakhuliwa.] Nnaamwi awo ahiweryaka olokiherya mixankiho sikumihenrye aya, Biibiliya onnihimya wira Muluku onoowerya ni onniphavela omaliha mixankiho iyo. Yoolepa ela ya Esalimo 65:10. [Musome.] Erevista ela ennitthokiherya moota Muluku onrowa awe olokiherya elapo ni moota wowaakhela mareeliho a muhoolo. Nto kiniphavela woovahani”.

Despertai! a Setembro

“Atthu anci annixankiheya mwaha wa ovara muteko mootepana, nave khanoona moota wooxintta muxankiho ola. Asuweli anihimya wira ovara muteko mootepana onnikumiherya okhulumuwa ni pooti okumiherya mixankiho erutthu ni muupuwelo. Munoonela sai, exeeni enrowa omukhaliherya mutthu okhalana moonelo wooloka? [Nwehererye waakhuliwa.] Moone ele enihimya aya eversu ela. [Mmusome Musuweli 4:6.] Erevista ela ennihimya itthu 4 soovareleya muteko sinnikhaliherya othanla itthu sootthuneya ni oheemya wira mixankiho sa omutekoni sinikhulumule.