Olaleerya Wookhweya

Wira Nipacerihe Soosoma sa Biibiliya eSaabadu Yoopacerya, Outubro

“Ninvaanela ni atthu moohipisa voohimya sa eguvernu yooloka. Munoonela sai, niireke ehaavo eguvernu eniwerya omaliha otakhala ni ohixariya?” Nwehererye waakhuliwa. Mwa nivekelo na Yesu nenlo nniitthaniwa Tiithi ahu muri wiirimu, aahiwiixuttiha atthareli awe ovekela wira Omwene wa Muluku orwe. Mmooniherye epaaxina yookiserya ya Owehaweha 1 ya Outubro, ni muthokorerye hoothe mwaha ori vathi va nikoho noopacerya, ni muthanle yoolepa emosa wira musome. Munvahe irevista, ni mwiiwanane nihiku nootthikela wira mwaakhule nikoho ninttharelana.

Owehaweha 1 ya Outubro

“Ninvaanela ni atthu voohimya sa nivekelo noosuwelexiwa na Yesu nenlo aawiixuttinhe awe atthareli awe. [Mmusome Matheyo 6:9, 10.] Niireke mootoko otthokiheriwa voohimya sa ele enitaphulela aya Omwene wa Muluku, ni nthowa naya Yesu aattittimiherya awe vanci okathi wowiixuttiha? [Nwehererye waakhuliwa.] Erevista ela ennooniherya ele Biibiliya onihimya awe sa Omwene wa Muluku, ni ele Omwene owo onrowa aya oruuha valaponi”.

Despertai! a Outubro

“Ninvaanela ni atthu naakhaliheryaka ophwanya waakhuliwa wa nikoho nla. [Mmooniherye ekaapa.] Munoonela sai, niireke mutthu ohaana okhalana muhakhu wira okhalane okumi woohakalaliha? [Nwehererye waakhuliwa.] Biibiliya onnooniherya moonelo wooloka voohimya sa mihakhu. [Mmusome Luka 12:15.] Moovarihana ni Biibiliya, vanniweryaneya mutthu okhumela saana. Erevista ela ennilavula mwaha owo”.